India
De Wikipedio
|
|||
| Oficala lingui | Hindi, Angliana, ed altra 21 lingui | ||
| Chefurbo lojanti (yaro) |
Nova-Delhi 321 883 (2006) |
||
| Maxim granda urbi | Mumbai, Delhi, Bangalore | ||
 |
|||
| Guvernerio | Republiko | ||
| Prezidisto | Pratibha Devisingh Patil | ||
| Chef-ministro | Manmohan Singh | ||
| Surfaco | 3.287.590 km² | ||
| Lojanti Lojanto-denseso |
1.132.446.000 (2008) 329 loj/km² |
||
| Pekunio | Rupio di India | ||
| Nacionala himno | Jana Gana Mana | ||
| Religio precipua | Hinduismo (81,5%) | ||
La Republiko di India esas la duesma populoza naciono dil mondo kun plu kam un miliardo habitanti, ed ol esas la sepesma maxim granda lando en geografiala areo. Kun plura majora lingui e centi de dialekti, diversa religii ed kulturi, plura granda urbi e plu kam 700.000 vilaji, India existas misterioze, amba en la klasika, tradicionala metodi, ed en la moderna industriala mondumo.
India jacas en sud-Azia inter la Maro Arabala ed la Bayo di Bengal. India havas komuna bordi kun Bangladesh, Bhutan, Myanmar (Burma), Chinia, Nepal, e Pakistan.
Bazala fakti pri India.
Indexo |
[redaktar] Historio
Esas evidentajo ke ula populo habitis la regiono di la nuna stato Madhya Pradesh depos la petr-epoko. La unesma permananta edifici aparis cirkum 6000 aK.
Granda parto di nord-India divenis parto di la Sultanio* di Delhi de 1206 til 1526 e depos 1526 til 1858 de la Mughal Imperio, qua kovris granda parto di nuna India. Ye 1858 Britaniani transformis la regioni di nuna India, Pakistan e Myanmar aden la Britaniana Rejio, kolonio qua duris til 1947.
India ganis sua autonomeso de la Unionita Rejio ye 15, agosto 1947. Ye 26, januaro 1950 ol divenis republiko.
[redaktar] Politiko
India esas parlamentala e federala republiko, ed anke la maxim populoza liberala demokratio. La prezidisto esas indirekte elektita por 5-yara periodo. Sioro Pratibha Devisingh Patil divenis la deketriesma prezidisto di India ye 25 di julio 2007. El esas la unesma muliero qua atingis ta ofico.
La Parlamento havas du chambri: Rajya Sabha (Senato) kun 250 membri, e Lok Sabha ("Domo di Populo"), kun 545 membri.
[redaktar] Geografio
Himalaya monti formacas la norda bordi di India. Al westo esas la stato Rajasthan qua havas dezerti. La fluvio Ganga (2.478 km) fluas tra granda fertila plana lando en la centra parto. La lando acensas al du plat-landi qui limitesas ye la central ed suda regioni da basa monti nomita Dekkan Ghat. Ta monti inklinas aden streta litoro regioni. Plura fluvii ed riveri trairas la lando.
[redaktar] Klimato
Generala klimato en India esas sezonala kun koldeta vintri ed varmega someri sequita da du o tri monati di pluvema vetero. Ye la norda ed centra regioni, dum la vintro, kolda venti de la Himalaya monti efektigas ne severa ed sika klimatala standi. Ye la suda parto ed la litori di Arabala Maro, varmega ed humida standi restas dum la tota yaro.
[redaktar] Ekonomio
Videz anke: Ekonomio di India.
L' ekonomio di India kreskis tre rapide en recenta yari, malgre ke quarimo de la populo esas tre povra.
[redaktar] Demografio
Multe kam un miliardo habitanti esas aproximita en India. Cirkum 70% de la populo esas Indi-Aryani, 25% apartenas a la Dravida raso, ed 3% esas mongoli ed altra etniala grupi.
[redaktar] Kulturo
- Religiala distributo:
[redaktar] Lingui
Hindi konstatesis kom la nacionala linguo per la guvernerio pos ganar autonomeso, ma ol es la precipua linguo di nur 30% de la populo. Angliana esas la precipua linguo por nacionala, politikala, ed komercala komuniko. Esas 14 altra oficala lingui en India. La populara linguo Hindustani parolesas en norda India, ma ne esas oficala linguo.
[redaktar] Cetera aferi
Fundamentala koncerni en India es duranta disputo kun Pakistan pri Kashmir, tre multa populo, ekologiala dekadeso, extensiva povreso, ed etniala ed religiala konflikti. To es malgre impresiva gani en ekonomiala progreso en recenta yari.
