Taiwan
De Wikipedio
|
|||
| Oficala linguo | Chiniana | ||
| Chefurbo lojanti (yaro) |
Taipei 2 627 138 (2003) |
||
| Altra urbi | Tainan, Kaohsiung | ||
 |
|||
| Guvernerio | Republiko | ||
| Prezidisto | Ma Ying-jeou | ||
| Chefa ministro | Liu Chao-shiuan | ||
| Surfaco | 36 202 km² | ||
| Lojanti Lojanto-denseso |
22 911 292 (2007) 633,12 loj./km² |
||
| Pekunio | Nova Dolaro di Taiwan | ||
| Nacionala himno | Imne nacional de la República de China | ||
| ISO-3166 (Internet) | .tw | ||
| Precipua religii | Tradiciona religii 50,7%, Budismo 20,9%, Taoismo 10,2% | ||
Taiwan (anke vokada Republiko di Chinia e Formosa) esas insulo en Est-Chiniana Maro, inter kontinentala Shanghai e Hong Kong. Oficale Taiwan ne esas stato ma teritorio di Chinia. Quankam ol aktis kom nedependanta stato depos 1949, kande komunisti ganis povo en kontinentala Chinia.
Indexo |
[redaktar] Historio
[redaktar] Pri recenta historio
Taiwan esis parto di Chinia de 17ma yar-cento til 1895, kande Japonia sizis lu. Japonia sukombis en Duesma mondo-milito, e pos milito en Chinia komencis interna milito inter povo di Kuomintang e komunisti. En l'interna milito la komunisti vinkis ye 1949 e Chiang Kai-sek kun sua armeo e Kuomintang-partiso fugis a Taiwan.
Taiwan duris esar kom Republiko di Chinia ed ol ganis anke la membreso di Unioninta Nacioni. Segun nova Republiko Populala di Chinia, Taiwan esas nur teritorio di (Republiko Populala di) Chinia.
Ye 1971 Taiwan perdis lua sideyo en Unioninta Nacioni a komunista Chinia. Do Taiwan falis en diplomatal izoleso. Ye 1979 Usa ligis diplomatala relati kun Chinia, ma samatempe Usa promisis suportor la defenso di Taiwan.
Dum existeso di du Chinii, la relato inter la parti esabas tensa, ma nula milito komencis. Quankam anke nun centi di fuzei apuntas la kontrea rivo che Taiwan-stretajo. Ye 1992 komencis kurta periodo amikala inter Chinii: la du parti aceptis l'ideo di un Chinia, ma amba parti havis sua kontenajo dil penso. Amikala periodo finis 1999, kande prezidisto Lee demandis ke on mustus procedar kam stato relate Taiwan.
Taiwan esis unpartisala (mi)stato til 1988, kande politikal opozantaro esis permisata da nova prezidisto Lee Teng-hui. Ye 2000 la periodo di Kuomingtang en povo finis, kande Chen Shui-bian esis elektita prezidisto. Chen Shui-bian suportas l’ ideo di du Chinii.
[redaktar] Politiko
La chefo di stato esas la prezidisto, elektita da populo por 4-yara periodo. La chefa ministro esas indikita da prezidisto.
La parlamento havas 1 chambro, kun 113 membri.
[redaktar] Geografio
La Republiko di Chinia esas kompozita da Taiwan insulo e di vicina mikra-insuli. La klimato esas subtropikala en granda parto e tropikala en sudo.
[redaktar] Ekonomio
Videz anke: Ekonomio di Taiwan
Taiwan havas kapitalista ekonomio. Moderna industrio developis rapide, e Taiwan esas konsiderita un di 4 Aziana Tigri.
[redaktar] Demografio
Plu de 90% di populo apartenas Han-Chiniana grupo. Nur 2% di populo havas aborijena origino.
[redaktar] Kulturo
La kulturo di Taiwan derivas di tradiciona kulturo di kontinantala Chinia. L'aborijeni anke havas propra kulturo, diferenta de Chiniana.
[redaktar] Cetera aferi
Taipei 101 turmo
