Chefo di stato

Rejino Elizabeth 2ma, un di maxim konocata chefi di stato dil mondo.

Chefo di stato od Statestro esas la persono qua reprezentas publike un monarkio, republiko, federuro, konfederuro o kelka altra tipi di stato. Lu exercas povi ed ofici establisita en la konstituco.

Tarja Halonen, chefo di stato di Finlando.

Kande Charles de Gaulle skribis moderna konstituco di Francia, il deskriptis roli il konsideris por Franca prezidisto kom "enkorpigar la karaktero di la naciono" por la naciono ipsa e por la mondo: une certe idée de la France ("certena ideo pri Francia"). Nune, multa landi expektas ke lua chefi di stato personigez nacionala valori en simila maniero.

Chefo di stato di un lando anke povas esar de komitato, kom en Suisia, od un diktatoro, kom okuris en Nacista Germania sub sua führer Adolf Hitler. En oligarkala republiko, kom Republiko di Venezia o Romana Republiko la chefo di stato esis la precipua lokala judiciisto, qua recevis la titulo di dojo en Republiko di Venezia, o konsulo en Romana Republiko.

Chefo di stato povas anke akumular povi di chefo di guvernerio, kom prezidantala republiki, exemple Brazilia, Arjentinia ed Usa, od en absoluta monarkii. En parlamentala rejimi, la chefo di guvernerio esas chefa ministro.