Zanzibar

De Wikipedio
Zanzibar (olim nomizita Spico-insuli.
Anciena palaco dil sultano di Zanzibar, edifico qua nun esas muzeo.

Zanzibar esas teritorio kun autonomeso politikala, en Tanzania. Olu konsistas ek du insuli - Unguja e Pemba - che Indiana oceano qui distas de 25 til 50 kilometri de la kontinento. La nordala insulo esas Pemba e la sudala esas Unguja, qua ofte nomizesas Zanzibar.

Lua chef-urbo esas Zanzibar-urbo, en Unguja. Altra importanta urbi esas en Mkokoni (ank en Unguja), e Wesha, Konde e Mkoani, en Pemba. Segun statistiki de 2012, ol havis 1 303 569 habitanti.[1]

La precipua industrii dil insulo esas spici, utensili ek palmo, e turismo. Pro lua produktado di kariofilo, muskado, nigra pipro e cinamo, Zanzibar e l'insulo Mafia konocesis kom Spico-insuli. Recente, turismo developesis por stimular l'ekonomio. La quanto di viziteri augmentis de 19 mil en 1985 til 376 mil en 2016[2].

L'insuli ja habitesas de adminime 20 mil yari ante nun. Li okupesis dal Persiani, Arabi, Portugalani e pose dal Britaniani. Zanzibar nedependanteskis del Unionita Rejio en 1963, ed ye la 26ma di aprilo 1964 ol unionesis kun Tanganyika por formacar la nuna Tanzania.

  • Religii: 99% de la habitantaro esas Mohamedani.
  • Vivo-moyeni: turismo, agrokultivo (kariofilo, frukti, kokoso), peskado, mestierismo.

Referi[redaktar | redaktar fonto]

  1. National population hits 45 million - Dato di publikigo: 1ma di januaro 2013. 
  2. Tanzania: Number of Tourists to Zanzibar Doubles As Tourist Hotels Improve Service Delivery - Publikigita da All Africa. URL vidita ye 23ma di julio 2023. Idiomo: Angla.