2001

Eventi

Kosmo

• 12 di februaro - NEAR Shoemaker -probilo decensas adsur 433 Eros -asteroido.
• 22 di mayo - On deskovras objekto nominata 28978 Ixion dop Neptuno.
• 21 di junio - Sunal eklipso totala.
• 15 di oktobro - Galileo-probilo di NASA preterflugas Io, la satelito di Jupitero.

Mondo

• 15 di januaro - Angla-linguala Wikipedio komencas.
• 2 di julio - Unesma artificala kordio enplacesas a Robert Tools.
• 7 di novembro - Concorde flugas unesmafoye pos acidento ye 2000.
• 16 di novembro - Unesma Harry Potter cinemo en prima vespero.
• 27 di decembro - Normala relato komercala esas atingita inter Usa e Populala Republiko di Chinia.

Europa

• 31 di januaro - En Nederlando, Zeits, Skota tribunalo judicias Libian al Ali Mohmed al Megrah por vivo en karcero pro la bombo-shoko super Lockerbie ye 1988.
• 1 di aprilo - Slobodan Milosevic, ex-prezidanto di Yugoslavia kapitulacas ed ilu arestesas akuzante pro naciono-morto.
• de 17 di junio til 21 di junio - Ido-renkontro 2001, en Nürnberg, Germania. Lektez raporto.
• 28 di septembro - En Finlando mariajo inter sama-sexuala homi esas permisata.
• 4 di oktobro - Ukrainian armeo pafas infre acidentale Rusa aeroplano super Nigra maro fluganta de Tel Aviv a Siberia, e 77 homi mortas.

Nord-Amerika

• 6 di januaro - Usana parlamento aprovas la vinko prezident-elektala di George W. Bush.
• 5 di junio - En Houston, Texas, komencas tropikala burasko. Pluvos 50 cm de aquo e 22 homi mortos.
• 11 di septembro - En Usa terorigisti flugas aeroplani por destruktar maxim granda du turmi di World Trade Center en Nova-York ed anke Pentagon en Washington DC. Pluse un aeroplano falas en Pensilvania. probable pos pasenji revoltas. Entote proxim 3.000 homi mortas.
• 14 di septembro - Usa publikigas la nomi di 19 terorigisti suspektita.
• 20 di septembro - George W. Bush proklamas, ke Usa e bon-axo militeskos kontre terorigisti.
• 5 di oktobro - En Florida Roberts Stevens, la redaktero di The Sun, mortas. Il recevis spori di antraxo(?) per letro de terorigisti. En Usa on recevas letri til 23 di oktobro. 5 homi mortos e 19 esas infektita.
• 12 di novembro - Airbus A300 falas en Nova-York, 260 mortas.
• 19 di decembro - La fairo che la destrukturo di World Trade Center en Nova-York esas finale extingita.

Centr-Amerika

• 13 di januaro - Ter-tremo en Salvadoria, 7,6 segun la Richter-skalo.
• 13 di februaro - Ter-tremo en Salvadoria mortigas 400 homi.
• 4 di novembro - Uragano Michelle atakas Kuba perisigante domi ed agrokultivata feldi.

Sud-Amerika

• 26 di januaro - 50 yari evanta Douglas DC-3 aeroplano falas en Venezuela e 24 homi mortas.
• 15 di marto - En Brazilia, du explozi en la petrolo-platformo P-36 qua partoprenis a Petrobras livis 11 morti. La platformo dronos pos 5 dii.
• 29 di mayo - En Peru Alejandro Toledo elektesas prezidanto.
• 27 di agosto - Kongreso di Peru supresas politikala imuneso di ex-prezidanto Alberto Fujimori.
• 5 di septembro - L' akuzisto di Peru komencas mortigo-litijo kontra ex-prezidanto Alberto Fujimori.
• 20 di decembro - La prezidanto di Arjentinia Fernando de la Rúa es koaktata renuncar, pro la protesti populala en diversa urbi di la lando, en qui 23 homi mortas.
• 23 di decembro - Adolfo Rodríguez Saá asumas povo en Arjentinia kom prezidanto.
• 30 di decembro - Rodríguez Saá renuncas kom prezidanto di Arjentinia.

Azia

• 20 di januaro - En Filipini Gloria Arroyo divenas prezidanto supra tribunalo rezigniginte Joseph Estrada.
• 26 di januaro - Ter-tremo en Gujarat, India, mortigas plu kam 20.000 homi.
• 29 di januaro - En Indonezia mili de studenti okupas la parlamento e demandas la rezigno dil prezidanto Abdurrahman Wahid akuzita pro korupto.
• Februaro - Aero-forco di Usa e Britania atakas Irak multafoye.
• 6 di februaro - En Israel Ariel Sharon divenas chefministro.
• 20 di junio - En Pakistan Pervez Musharraf prenas prezidentala stando.
• 9 di septembro - En Afganistan Ahmed Shah Massoud, la chefo di Nordal Uniono, atakesas ed il mortos ye 13 di septembro.
• 19 di septembro - Usa sendas a Persiana gulfo 100 aeroplani e tri navi militala pos teroragi en Usa.
• 20 di septembro - En Afganistan kunveno di sacerdoti rekomendas Osama bin Laden livor la lando.
• 21 di septembro - En Afganistan la Talibanisti anuncas, ke li konsignos Osama bin Laden ad Usa, se Usa havas suficanta pruvo kontra lu.
• 22 di septembro - Usa esas pronta finigar komercala punisi kontre Pakistan ed India (pro nukleara probi), se li suportus Usa en milito kontre terorigistaro.
• 23 di septembro - La Talibanisti asertas, ke li ne savas ube Osama bin Laden esas.
• 24 di septembro - Usa informas, ke lua korpi speciala funcionas en Afganistan. Rusia promisas suportor la Nordal Uniono.
• 7 di oktobro - Milito en Afganistan komencas kande Usa atakas kun l' Unioninti. En NewYork 10.000 homi demonstras kontra milito ma l'oficala Usa entraprezas obliviigor ol.
• 8 di oktobro - On demonstras en Palestina e Pakistan kontre milito da Usa en Afganistan.
• 9 di oktobro - Fuzeal atakilo mortigas quar laboristi di UN proxim Kabul en Afganistan.
• 12 di novembro - La trupi dil Talibanisti retretas ek Kabul en Afganistan.
• 17 di decembro - La lasta kombati dum Afganistan-milito finas en Tora Bora -montaro.

Afrika

• 10 di mayo - En Ghana 120 homi mortas en amaso che futbalo-partio.
• 8 di oktobro - On demonstras en Egiptia kontra milito di Usa en Afganistan.

Morti

• 9 di januaro - Paul Vanden Boeynants, chefministro di Belgia (n. 1919)
• 12 di januaro - Adhemar Ferreira da Silva, Brazilian atleto (n. 1927)
• 16 di januaro - Laurent-Désiré Kabila, prezidanto di Demokratial Republiko Kongo (n. 1939)
• 4 di februaro - Iannis Xenakis, Grekiana-Franciana kompozisto (n. 1922)
• 9 di februaro - Herbert Simon, Usan ekonomikisto, Nobel-laureato (n. 1916)
• 12 di marto - Robert Ludlum, Usan autoro (n. 1927)
• 18 di marto - John Phillips, membro dil bando The Mamas and the Papas (n. 1935)
• 31 di marto - Clifford Shull, Usana fizikisto, Nobel-laureato (n. 1915)
• 15 di aprilo - Joey Ramone, Usana muzikisto (The Ramones) (n. 1951)
• 29 di aprilo - Barend Biesheuvel, chefministro di Nederlando (n. 1920)
• 7 di mayo - Joseph Greenberg, Usana linguisto (n. 1915)
• 11 di mayo - Douglas Adams, Britanian autoro (n. 1952)
• 25 di mayo - Alberto Korda, fotografisto qua igis la konocata fotografuro pri Ernesto Che Guevara (n. 1928)
• 1 di junio - Hank Ketcham, desegnisto (Dennis the Menace) (n. 1920)
• 1 di junio - Birendra, rejulo di Nepal (n. 1945); Aiswarya, rejino di Nepal (n. 1949)
• 3 di junio - Anthony Quinn, Mexikian aktorulo (n. 1915)
• 7 di junio - Víctor Paz Estenssoro, prezidanto di Bolivia (n. 1907)
• 10 di junio - Leila Pahlavi, princino di Iran (n. 1970)
• 11 di junio - Timothy McVeigh, terorigisto, exekutita (n. 1968)
• 17 di junio - Donald J. Cram, Usana kemiisto, Nobel-laureato ye 1987 (n. 1919)
• 21 di junio - John Lee Hooker, Usana blues-muzikisto (n. 1917)
• 21 di junio - Carroll O'Connor, Usan aktoro (n. 1924)
• 27 di junio - Tove Jansson, Finlandan autoro (n. 1914)
• 27 di junio - Jack Lemmon, aktoro e filmifisto (n. 1925)
• 30 di junio - Chet Atkins, Usana gitaristo (n. 1924)
• 1 di julio - Nikolai Genadiyevich Basov, Rusiana fizikisto, Nobel-laureato (n. 1922)
• 31 di julio - Francisco da Costa Gomes, prezidanto di Portugal (n. 1914)
• 1 di agosto - Poul Anderson, cifi-autoro (n. 1926)
• 6 di agosto - Jorge Amado, Brazilian autoro (n. 1912)
• 16 di agosto - Harri Sirola, Finlandan autoro (n. 1958)
• 29 di agosto - Francisco Rabal, Hispanian aktoro (n. 1926)
• 13 di septembro - Ahmed Shah Massoud, chefo di Nordal Uniono en Afganistan (n. 1953)
• 22 di septembro - Isaac Stern, Ukrainiana violinisto (n. 1922)
• 9 di novembro - Giovanni Leone, prezidanto di Italia (n. 1908)
• 29 di novembro - George Harrison, membro dil bando The Beatles (n. 1943)
• 30 di novembro - Robert Tools, viro en quo instalesis unesma kordio artificala (n. 1942)
• 15 di decembro - Rufus Thomas, Usana kantisto (n. 1917)
• 19 di decembro - Donald J. Cram, Usana kemiisto, Nobel-laureato (n. 1919)
• 20 di decembro - Leopold Senghor, prezidanto di Senegal 1960-1980 (n. 1906)
• 31 di decembro - Jelle Zijlstra, chefministro di Nederlando (n. 1918)

Nobel-premiiziti

• Fiziko: Eric Allin Cornell, Wolfgang Ketterle, Carl Edwin Wieman
• Kemio: William S. Knowles, Ryoji Noyori, Karl Barry Sharpless
• Fiziologio o Medicino: Leland H. Hartwell, Richard Timothy Hunt, Paul M. Nurse
• Literaturo: Vidiadhar Surajprasad Naipaul
• Paco: Unioninta Nacioni, Kofi Annam
• Ekonomiko: George A. Akerlof, Michael Spence, Joseph E. Stiglitz