Yugoslavia

De Wikipedio
Irez ad: pilotado, serchez
Rejio di Serbiani, Kroatiani e Sloveniani en 1918, l'origino di Yugoslavia.

Yugoslavia esis lando qua jacis en Europa, weste de Balkani en la rivo di Adriatiko, de 1918 til 1991. Vorto yug signifikas en Slava lingui 'sudo', do Yugoslavia signifikas proxime "lando di sudala Slavi".

Yugoslavia konsistis ek nuna Serbia, Montenegro, Macedonia, Bosnia e Herzegovina, Kroatia, Slovenia e Kosovo. Granda majoritato parolis ula Slava linguo. Maxim granda parto de la habitanti esis Serbo-kroati (Serbi e Kroati) qui parolas preske sama linguo, ma Serbi uzas kirilika literi ed esas Greka-ortodoxi e Kroati uzas la Latina literi ed esas Romana-katoliki.

Rejio di Yugoslavia[redaktar | edit source]

Yugoslavia fondesis en 1918 pos l'unesma mondomilito, kande Austria-Hungaria krulis. Rejio di Serbia kombatis dum milito kune la Triopla Interkonsento. Pos la milito, parti de Austria-Hungaria, i.e. Voivodina, Kroatia, Bosnia-Hercegovina e Slovenia anexesis a Serbia. Anke Montenegro unionesis a Serbia. Do nomo di nova stato komence esis Rejio di Serbi, Kroati e Sloveni, de 1918 til 1929. Tamen relati inter nacioni esis tensita e lando divenis diktatoreso. En 1941 nacionalsocialista Germania ed Italia invadis lando.

Reji di Yugoslavia[redaktar | edit source]

  1. Petar 1ma di Yugoslavia de 1 di decembro 1918 til 16 di agosto 1921. Dum lua tempo kom viceregnanto esis princo Aleksandar.
  2. Alexandar 1ma de 16 di agosto 1921 til 9 di oktobro 1934. Ilu mortigesis en Marseille, Francia.
  3. Viceregno, kom chefo esis princo Pavle de 9 di oktobro 1934 til 27 di marto 1941.
  4. Petar 2ma di Yugoslavia de 27 di oktobro 1941 til 29 di novembro 1945 (en exilo de 14 di mayo 1941).

Socialista Federuro di Yugoslavia[redaktar | edit source]

Exquisite-kfind.png Videz anke: Republiko Socialista Federala di Yugoslavia.

Federuro di Yugoslavia[redaktar | edit source]

Lasta Yugoslavia konsistis de Serbia e Montenegro. Komence ol adoptis l'oficala nomo di Federuro di Yugoslavia, ma depos 2003 la nomo dil stato esis Serbia e Montenegro. En 3 di junio 2006 Montenegro divenis nedependanta de Serbia e la nomo "Yugoslavia" desaparis.

Nuna stati qui formacis l'anciena Yugoslavia Flag of the SFRY
Bosnia e Herzegovina | Kosovo | Kroatia | Republiko Macedonia | Montenegro | (Serbia e Montenegro) | Serbia | Slovenia