Ekonomio di Japonia

De Wikipedio
Irez ad: pilotado, serchez
Ekonomio di Japonia
Pekunio yen
Internaciona organismi MOK, OECD, APEC, G8, G20
Statistiki [1]
Kuntara landala produkto (KLP) US$ 4 729 miliardi (2013)
Rango KLP 5ma[2] granda
KLP kresko 2% (2013)
KLP per persono US$ 37 100 (2013)
KLP per sektoro agrokultivo 1.1%, industrio 25.6%, servadi 73.2%
Inflaciono 0.2% (2013)
Populo sub la povreso-lineo 16% (2010)
Labor-povo 65,620,000
Labor-povo per okupado agrokultivo 3.9%, industrio 26.2%, servadi 69.8% (2010)
Chomeso 4.1% (2013)
Komercala parteneri [1]
Exportacaji (US$) 697 miliardi (2013)
Exportacajo - precipua produkti vehili 13.6%; mikonduktori 6.2%; produkti di fero e stalo 5.5%; kompozanti por vehili 4.6%; materiali di plastiko 3.5%; mashini por produktado di energio 3.5%
Precipua parteneri Populala Republiko di Chinia 18.1%, Usa 17.8%, Sud-Korea 7.7%, Tailando 5.5%, Hong Kong 5.1% (2012)
Importacaji (US$) 766.6 miliardi (2013)
Importacajo - precipua produkti petrolo 15.5%; naturala gaso 5.7%; stofi 3.9%; mikonduktori 3.5%; karbono 3.5%; aparati di video e sono 2.7% (2011)
Precipua parteneri Populala Republiko di Chinia 21.3%, Usa 8.8%, Australia 6.4%, Saudia Arabia 6.2%, Unionita Araba Emirati 5%, Sud-Korea 4.2%, Katar 4% (2012)
Publika financi [1]
Extera debo 3 017 miliardi (2013)
Revenuo totala (US$) 1 739 miliardi (2013)
Spenso totala (US$) 2 149 miliardi (2013)
Noto: Ecepte kande kontree mencionata, valori esas en Usana dolari
Shinjuku, financala centro di Tokyo.

Pos 1868 (Meiji-epoko) Japonia rapide industrieskis su. Lando adoptis kapitalist ekonomio kun libera merkato ed adoptis la formi di libera entraprezo de Unionita Rejio ed Usa. Japoniani komencis studiar exterlande ed exterala profesori recevis inviti por docar en Japonia. Rapide lando divenis la maxim prosperoza ekonomio di Azia.

La Borso di Tokyo.

Lua ekonomio sufris granda destrukto dum duesma mondomilito. Pos la milito, la koopero inter guverno ed entraprezi, la forta laborala etiko, la mastreso en alta teknologio, e la poka spenso kun nacionala defendo (1% de KLP) helpis Japonia developar modern ekonomio.[1] Du remarkinda propraji di Japoniana ekonomio esas la proximeso inter furnisanti, fabrikanti e distributanti di produkti (konocita kom "keiretsu"), e la guarantio di employi dumvive por granda parto dil urbala labor-povo.[1] Nune, lando esas la 5ma maxim granda ekonomio dil mondo.[1]

L'ekonomio montrabis eficienteso en exportacajo-sektori quale teknologio, ma ne montris la sama en protektata sektori quale agrokultivo. Dum l'antea yardeki, Japonian ekonomio kreskis rapide. Ol kreskis cirkume 10% omnayare dum la 1960a yari, 5% omnayare dum la 1970a yari e 4% omnayari dum la 1980a yari.[3] Dum la 1990a yari la kresko lentigis e kreskis mezvalore 1.7% omnayare, specale por neefikema kolokadi e l'alta spekulado kun aktivi dum l'antea yardeko. To demandis tardiganta tempo de l'entraprezi por diminutar lua granda debi, aktivi e labor-povo.[1]

Referi[redaktar | edit source]

  1. 1.0 1.1 1.2 1.3 1.4 CIA. The World Factbook (in Angla). URL vidita ye 6 di marto 2015.
  2. https://www.cia.gov/library/publications/the-world-factbook/rankorder/2001rank.html
  3. http://www.country-data.com/cgi-bin/query/r-7176.html