Tübingen

De Wikipedio
Irez ad: pilotado, serchez
Tübingen
Lando Flag of Germany.svg Germania
Regiono Badenia-Wurtemberg
Latitudo 48/31/12/N
Longitudo 9/03/20/E
Altitudo 341 metri
Surfaco 108,12 km²
Lojanti (2008) 85.344
Lojanto-denseso 789 loj./km²
Horala zono UTC1
Urbestro Boris Palmer
Reto: http://http://www.tuebingen.de
Mapo
Mapo di Tübingen
La civito di Tübingen

Tübingen esas urbo en Badenia-Wurtemberg en la sudo-westo di Germania, cirkume 45 kilometri sudala de Stuttgart. Esas la chef-urbo di la sam-noma distrikto.

Tübingen esas famoza universitato-urbo. L'universitato havas cirkume 25.000 studenti. La multa studenti dominacas la vivo en l'urbo. Segun l'evo di la habitantaro Tübingen esas la maxim yuna urbo en Germania. L'universitato nomizas Eberhard Karls Universitato ed fondesis en yaro 1477.

En yaro 1078 l'urbo esas mencionita unesma-foye. Multa famoza personi habitis e studiis en Tübingen. La medicinisto e botanikisto Leonhart Fuchs, la poeti Friedrich Hölderlin, Hermann Hesse, Ludwig Uhland ed Eduard Mörike, la teologiisti Melanchton ed Hans Küng, la nuna papo Benedictus 16ma, la ex-federala prezidisto di Germania Horst Köhler e la politikisti Kurt-Georg Kiesinger (ex-federala kancelero), Roman Herzog (Ex-prezidisto di Germania) e multa altra famoza personi.

La nuna urbestro di Tübingen esas Boris Palmer depos yaro 2007. Il esas membro di la partiso “La Verdi”.

La komon-domo e la civito esas konservata bone. En la civito esas multa streta stradeti. En Tübingen esas anke la kastelo Hohentübingen. La majoritato dil habitantaro esas protestanti. La Stiftskirche esas la maxim importanta protestanta kirko. La LTT (Landala Teatro Tübingen) esas la maxim granda teatro dil urbo. Existas multa muzei en Tübingen quala Kunsthalle Tübingen (Arta halo Tübingen) e Museum Schloß Hohentübingen (Muzeala-kastelo Hohentübingen).

En Tübingen eventis l'Ido renkontro 2010.