Berlin

Berlin Lando Germania Latitudo 52°31′07″N Longitudo 13°24′30″E Altitudo 34 metri Surfaco 891,85 km² Lojanti (2008) 3,442,675 Lojanto-denseso 3,845 loj./km² Urbestro Klaus Wowereit Reto: http://http://www.berlin.de/ Mapo

Berlin esas chef-urbo di Germania. Lua totala lojanti esis aproxime 3,440,000 ye 2010. Lua totala surfaco esas 891,82 km².

Dum 13ma yarcento, du vilaji - Kölln e Berlin - alonge Spree-rivero unionesis kun nomo Berlin.

Pos Duesma mondomilito Berlin dividesis (quale Germania) aden quar sektori: Britaniana, Franciana, Usana e Soviet-Rusiana. La tri unesma sektori formacis ensemble West-Berlin; la lasta esis Est-Berlin.

Bonn divenis chef-urbo di West-Germania ye 1949. Sam-yara, Est-Berlin divenis chef-urbo di Est-Germania (DDR). Dum 1961 Berlin dividesis per Berlin-Muro, quo separis kruele Est-Berlin e West-Berlin.

Ye 1990, lor la fino dil Kolda milito e la riuniono di Germania, Berlin ridivenis la chef-urbo di tota Germania. La muro destruktesis e nur fragmenti di ol ankore existas.

En aktualeso esas importanta centro di kulturo, financi e turismo di Germania ed anke di West-Europa.