Wien

Wien Diversa imaji de Wien. Lando Austria Latitudo 48º11' N Longitudo 16º21' E Surfaco 414,9 km² Lojanti (2011) 1,731,236 Lojanto-denseso 4,002.2 loj./km² Horala zono UTC+1 Urbestro Michael Häupl Reto: http://www.wien.gv.at Mapo

Wien esas chef-urbo di Austria, ed anke esas un di la 9 Austriana Länder (federala stati). Antee, de 1867 til 1918 ol esis chef-urbo de Austria-Hungaria. Kun cirkum 1.73 milioni lojanti, ol esas la 9ma maxim granda urbo de Europana Uniono. L'urbo esas sideyo di kelk internaciona organismi, kom l'ONEP.

Historio

Panoramo di Wien, Austria.

L'urbo esis fondita dal Kelti kom fortifikita habiteyo an Rivero Wien dum 1ma yarmilo aK.

Dum mez-epoko ol esis sideyo por Babenberg dinastio. En 1440 ol divenis chef-urbo por Habsburga dinastio.

Otomani esis haltita du foyi avan Wien: en 1529 li atemptis siejar l'urbo ed en 1683 okuris batalio por l'urbo. En 1679 un pesto mortigis cirkum 33% de lua habitantaro.

En 1804 dum Napoleona militi l'urbo divenis chef-urbo di Austriana imperio, e kontinuis importanta por Europana politiki, inkluze kande en 1814 ol hostis la Kongreso di Wien. L'urbo kreskis multe dum fino di 19ma yarcento. Til 1938 ol esis kulturala centro por modernist artisti.

Zoni di okupeso en Wien, 1945 til 1955.

En 1938 Nacionalsocialista Germania okupis Austria, e Wien perdis lua stando kom chef-urbo por Berlin. En 2 di aprilo 1945 Sovietani lansis atako kontre Germani, pos siejar l'urbo. Bombardi destruktis granda parto di lua substrukturo, e Wien kapitulacis du semani pos la komenco dil atako. Kande la milito finis, l'urbo esis dividita en quar zoni di influo: Britana, Franca, Usana e Sovieta. La divido lastis til 1955.