Vaduz

De Wikipedio
Vaduz
Peizajo di Vaduz.
Standardo Blazono
Lando: Liechtenstein
Informo:
Latitudo: 47°08' N
Longitudo: 9°31' E
Altitudo: 445 m
Surfaco: 17,3 km²
Habitanti: 5 668 (2019)
Denseso di habitantaro: 328 hab./km²
Horala zono: UTC+1
(UTC+2 dum la somero)
Urbestro: Ewald Ospelt
Mapo di Vaduz
Oficala retosituo:
http://www.vaduz.li
Vaduz.

Vaduz esas chef-urbo di Liechtenstein. Ol ank esas sideyo di la nacionala parlamento. Segun statistiki dil yaro 2019 ol havis 5 668 habitanti. Lua tota surfaco esas 17,3 km².

Vaduz esas la maxim konocata urbo dil princio, malgre ol ne esas la maxim populoza: la vicina Schaan havas plusa habitanti.

L'urbo mencionesis unesmafoye en 1150. Dum la 17ma yarcento la familio Liechtenstein decidis aquirar nobelesotitulo, e pro to kompris la minuskula urbeto Schellenberg en 1669 e la teritorii di la nuna Vaduz en 1712. La du urbeti havis exakte la politikala stando bezonata: l'unika feudala sioro de la du esis l'imperiestro.

Per ta moyeno, ye la 23ma di januaro 1719 l'imperiestro Karl la 6ma dekretis l'uniono di la du urbi por formacar Fürstentum (princio) kun la nomo Liechtenstein. Ca dio, ol divenis suverena princio interne la Santa Romana Imperio. Tamen, dum 120 yari la princi di Liechtenstein nulatempe vizitis la princio.

Geografio[redaktar | redaktar fonto]

Centro di Vaduz.

La reliefo di Vaduz esas montoza, jacanta an la valo dil Rheno. La kulmino di la tri monti Drei Schwestern, vicina del urbo, jacas inter 2.048 e 2.053 metri super la marala nivelo. Ultre l'areo apud Rheno, l'urbo urbo havas altra 5 exklavi.

La klimato di Vaduz esas oceanala, kun dolca someri e kolda vintri. (Cfb segun la klimatala klasifikuro da Köppen-Geiger). La mezavalora temperaturo en januaro (vintro) esas 0,7°C, kontre ke la mezavalora temperaturo en julio (somero) esas 19°C.

La mezavalora yarala pluvo-quanto esas 947 mm, e la maxim pluvoza monato esas agosto, kun mezavalore 142 mm.

Chef-urbi di Europana landi

Amsterdam · Andorra la Vella · Athina · Bakı · Beograd  · Berlin · Bern · Bratislava · Bruxel · Budapest · București · Chișinău · Dublin · Helsinki · Kiyiv · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Rīga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb