Roma

Panoramo di Roma.

Roma Kelk imaji de Roma. Lando Italia Regiono Lazio Latitudo 41°54′″N Longitudo 12°30′″E Altitudo 37 metri Surfaco 1285 km² Lojanti (2011) 2,777,979 Lojanto-denseso 2,161.8 loj./km² Horala zono UTC+1 Urbestro Gianni Alemanno Reto: http://www.comune.roma.it/wps/portal/pcr Mapo

Roma esas chef-urbo di Italia.

Historio

Romana monet-peco de la 3ma yarcento aK, montranta Romulus e Remus flegata da volfino

Homi ja habitis la regiono di nuna Roma cirkum 14,000 yari ante nun.

Segun la tradiciono, ol esis fondita en 21 di aprilo 753 aK da jemeli Romulus e Remus. Li esis filiuli di Rhea Silvia; el esis filiino di Numitor, rejulo di Alba Longa, olqua esis civito 19 km sud-este de Roma. (La fondero di Alba Longa ye 1179 aK, Ascianus, esis filiulo di Aeneas, la Troiana heroo qua eskapis de la asiejo di Troia.) Rhea Silvia esabis violacata da la deo Marso, e tale Romulus e Remus esis mi-deala.

Numitor, timante ke la jemeli prenus la trono di Alba Longa, imperis ke li esez dronata; li salvesis da volfino, qua flegis li. Kande la muri di la projetata urbo esis konstruktita, Remus kritikis olia mikreso; pro to, Romulus ocidis Remus. Il nomizis la urbo Roma pro sua nomo, ed il esis olua unesma rejo.

Altra posibla derivo di la nomo esas ke ol venas de Ruma, l'anciena nomo dil Tiber-rivero.

La mikra kolonieto developis e divenis chef-urbo di Romana Rejio, e pose di Romana Republiko, qua duris de 509 aK til 27 aK, e finale di Romana Imperio, qua duris de 27 aK til 476.

En 1960 eventis Olimpiala Ludi en l'urbo.

Geografio

• Areo: 1285 km²
• Populo: 2,777,979 (2011)

Piazza Venezia