Orestes Quércia

De Wikipedio
Irez ad: pilotado, serchez
Orestes Quércia
Orestes Quércia em Avaré 310806 REFON.jpg
Profesiono: entraprezisto e politikisto
Lando: Flag of Brazil.svg Brazilia
Nasko-dio: 18 di agosto 1938
Nasko-loko: Pedregulho, Sao Paulo, Brazilia
Morto-dio: 24 di decembro 2010
Morto-loko: Sao Paulo, Sao Paulo, Brazilia

Orestes Quércia (1938 til 2010) esis Braziliana politikisto. Dum lia vivo, il esis urbestro di Campinas, senatano por Sao Paulo e la 28ma guberniestro dil stato di Sao Paulo. Il anke esis advokato ed entraprezisto, proprietanto dil jurnali Jornal de Campinas e DCI, e de la radio Brasil FM Rádio Nova. Il anke aquiris brodkastanti di televiziono TVB Campinas e TVB Santos. Li kontrolis lia entraprezi di komuniko tra lia entraprezo di koloko "Sol Investment Group"[1].

Politikala kariero[redaktar | edit source]

Quércia komencis lia politikala kariero kom komonala konsilisto en Campinas en 1962 en Liberala Partiso. Kun militarala rejimo pos 1964 anciena partisi desaparis, e Quércia eniris nova partiso MDB, opozanta a militarala rejimo. En MDB Quércia esis elektita federala deputato en 1966 ed urbestro di Campinas en 1968.

En 1974 il vinkis elekto por senato kontre Carvalho Pinto, de ARENA. Quércia kritikis guvernerio di Ernesto Geisel e promocesis en lia partiso. En 1982 il divenis kandidato a vice-guberniestro de opozanta kandidato Franco Montoro, quo elektesis la sequanta yaro. En 1986 il prezentis lia nomo kom kandidato a guberniestro en la partiso PMDB, e vinkis ex-guberniestro Paulo Maluf, ed l'entraprezisto Antônio Ermírio de Moraes.

Quércia sejornis kom guberniestro di Sao Paulo til 1990, e helpis elektar Luís Antônio Fleury Filho kom lia sucedanto. Malgre il faliis kom kandidato a prezidanto di Brazilia en 1989 il sejornis importanta politikala figuro en lia partiso til lia morto da prostato-kancero en 2010.

Referi[redaktar | edit source]

  1. "Sol Invest acquires Panamby." South American Business Information. COMTEX News Network, Inc. 2002.HighBeam Research. 2 May. 2011