Santa Lucia

De Wikipedio
Irez ad: pilotado, serchez
Saint Lucia
Sainte-Lucie
Flag of Saint Lucia.svg Coat of arms of Saint Lucia.svg
Flago di Santa Lucia Blazono di Santa Lucia
Mapo di Santa Lucia
Chefurbo: Castries
·Habitanti: 61.341 (2001)
Precipua urbo: Castries
Oficala linguo: Angliana, Franca kreola linguo di Santa Lucia
Guvernerio: Monarkio
·Rejino: Elizabeth 2ma
·General-guverniestro Pearlette Louisy
·Chefministro: Kenny Davis Anthony
Surfaco: (191ma granda)
·Totala: 616 km²
·% aquo: 1,6
Habitanti: (181ma granda)
·Totala: 173.765 (2009)
·Lojanto-denseso: 298 hab./km²
Nacionala himno: Sons and Daughters of Saint Lucia
Pekunio: Est-Karibeana dolaro
Reto-kodo: .lc
Precipua religio: kristanismo, 96,1%

Santa Lucia esas stato en Karibeano, formata da insulo di Santa Lucia.

Bazala fakti pri Santa Lucia:

Historio[redaktar | edit source]

Exquisite-kfind.png Videz anke: Historio di Santa Lucia.

L'insulo deskovresis da Cristoforo Colombo ye la festo-dio (13ma decembro) di Santa Lucia en 1502, e nomesis tale pro lo. En 1643 Franciani establisis l'unesma kolonieto en l'insulo. Angliani faliis en lia unesma esforci por koloniigar l'insulo dum ta epoko. Franciani signatis pakto kun lokala Karib indijeni ye 1660. Li kultivis sukrokano en vasta plantacerii.

Pos sep-yara milito Francia cedis l'insulo ad Unionita Rejio en 1763. Kande Britani okupis l'insuli, lokala kolonigiisti atemptis uzar indijeni kom sklavi en la plantacerii. Multa indijeni mortis de maladi trovita da Europani, kom variolo. Multa Afrikaa sklavi anke mortis, por la severa standi di verko en la plantacerii. En 21 di februaro 1795 okuris revolto di sklavi kontre Britani.

Unionita Rejio e Francia kontinuis disputar pri la dominacajo super Santa Lucia til 1814 kande Britani definite aquiris ol. De 1958 til 1962 Santa Lucia divenis parto di la Federuro di West-Indii. En 1967 ol recevis autonomio ed, ye 22 di februaro 1979 ol divenis nedependanta de Unionita Rejio. John Compton esis unesma chefministro di nedependanta lando.

Kenny Davis Anthony esis chefministro di lando de 1997 til 2006. En novembro 2011 il anke rielektesis por chefministro.

Politiko[redaktar | edit source]

Santa Lucia esas konstitucala monarkio. Rejo Elizabeth 2ma di Unionita Rejio esas reprezentata da Pearlette Louisy, general-guverniestro.

La parlamento havas 2 chambri: Chambro di Deputati, kun 17 membri, e Senato, kun 11 membri.

Geografio[redaktar | edit source]

Soufrière, kun le Pitons.

Santa Lucia esas insulo kun 158 km di litoro. Lua maxim alta monto esas Mount Gimie, kun 950 metri di altitudo, formita da vulkanala roki. Du altra monti, le Pitons, formacas notora rikonoc-marko di lando.

La maxim granda urbo esas la chefurbo, Castries. Altra importanta urbi esas Gros Islet, Vieux Fort e Soufrière.

La klimato dil insulo esas tropikala, ma kun influo de nordala alizei. La sika sezono esas de decembro til junio e la pluvoza de junio til novembro. Averajala temperaturo dum dio esas 29ºC e 18 °C dum nokto. Yarala averajala pluvo esas 1300 mm.

Ekonomio[redaktar | edit source]

Exquisite-kfind.png Videz anke: Ekonomio di Santa Lucia.

Edukita labor-povo e bona sistemo di transporto, portuo, komuniko e furniso di aquo atraktis extera kolokado por sektori di turismo e konservo di petrolo. Malgre to, kun ekonomiala retrakto en Usa e Kanada, turismo deklinis forte en 2009.

Demografio[redaktar | edit source]

Kun 60,263 lojanti en 2010 la chef-urbo, Castries, koncentras plu 1/3 de l'habitantaro. Preske 90% de Santa-Luciani decendas de Afrikani.

Kulturo[redaktar | edit source]

Festivalo di jazo en Castries, Santa Lucia.

Futbalo e kriketo esas la du maxim populala sporti di Santa Lucia. En populala kulturo, lando havas karnavalo ante la karesmo, simila a karnavalo di Trinidad e Tobago. Lando anke hostesas jazo-festivalo omna yari. Kom altra Karibeana landi, lua populala ritmi esas soca, zouk e reggae.

Santa Lucian autorulo Derek Walcott recevis la Nobel-premio pri Literaturo en 1992. Lando anke havas un Nobel-laureato en ekonomiko, William Arthur Lewis en 1979.

Referi[redaktar | edit source]


Stati e teritorii en Karibeano
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Porto-Riko | Sant Maarten | Turks e Kaikos-Insuli | Virgin-Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius