Santa Lucia

Saint Lucia Sainte-Lucie Flago di Santa Lucia Blazono di Santa Lucia Chefurbo: Castries ·Lojanti: 61.341 (2001) Precipua urbo: Castries Oficala linguo: Angliana, Franca kreola linguo di Santa Lucia Guvernerio: Monarkio ·Rejino: Elizabeth 2ma ·General-guverniestro Pearlette Louisy ·Chefa ministro: Stephenson King Surfaco: (191ma granda) ·Totala: 616 km² ·% aquo: 1,6 Lojanti: (181ma granda) ·Totala: 173.765 (2009) ·Lojanto-denseso: 298 loj./km² Nacionala himno: Sons and Daughters of Saint Lucia Pekunio: Est-Karibeana dolaro Reto-kodo: .lc Precipua religio: kristanismo, 96,1%

Santa Lucia esas stato en Karibeano, formata da insulo di Santa Lucia.

Bazala fakti pri Santa Lucia:

Historio

L'insulo deskovresis da Kristoforo Kolumbo ye la festo-dio (13ma decembro) di Santa Lucia ye 1502, e nomesis tale pro lo. Angliani faliis en lia unesma esforci por koloniigar l'insulo dum la komenco di 17ma yarcento.

Unesma kolonieri esis Franciani, qua signatis pakto kun lokala Karib indijeni ye 1660. Franciani kultivis sukrokano en vasta plantacerii. Kom altra Franciana kolonii, Santa Lucia esis okupita da Unionita Rejio ye 1814.

Ye 1967 Santa Lucia recevis autonomio ed, ye 22 di februaro 1979 ol divenis nedependanta de Unionita Rejio. John Compton esis unesma chefa ministro di nedependanta lando.

Kenny Anthony esis chefa ministro di lando de 1997 til 2006.

Politiko

Santa Lucia esas konstitucala monarkio. Rejo Elizabeth 2ma di Unionita Rejio esas reprezentata da Pearlette Louisy, general-guverniestro.

La parlamento havas 2 chambri: Chambro di Deputati, kun 17 membri, e Senato, kun 11 membri.

Geografio

Soufrière, kun le Pitons.

Santa Lucia esas insulo kun 158 km di litoro. Lua maxim alta monto esas Mount Gimie, kun 950 metri di altitudo, formita da vulkanala roki. Du altra monti, le Pitons, formacas notora rikonoc-marko di lando.

La maxim granda urbo esas la chefurbo, Castries. Altra importanta urbi esas Gros Islet, Vieux Fort e Soufrière.

La klimato dil insulo esas tropikala, ma kun influo de nordala alizei. La sika sezono esas de decembro til junio e la pluvoza de junio til novembro. Averajala temperaturo dum dio esas 29ºC e 18 °C dum nokto. Yarala averajala pluvo esas 1300 mm.

Ekonomio

Videz anke: Ekonomio di Santa Lucia.

Edukita labor-povo e bona sistemo di transporto, portuo, komuniko e furniso di aquo atraktis extera kolokado por sektori di turismo e konservo di petrolo. Malgre ta, kun ekonomiala retrakto en Usa e Kanada, turismo deklinis forte en 2009.

Demografio

Preske 90% di Santa Luciana populo decendas de Afrikani.

Kulturo

Festivalo di jazo en Castries, Santa Lucia.

Futbalo e kriketo esas la du maxim populala sporti di Santa Lucia. En populala kulturo, lando havas karnavalo ante la karesmo, simila a karnavalo di Trinidad e Tobago. Lando anke hostesas jazo-festivalo omna yari. Kom altra Karibeana landi, lua populala ritmi esas soca, zouk e reggae.

Santa Lucian autorulo Derek Walcott recevis la Nobel-premiario en Literaturo ye 1992. Lando anke havas un Nobel-premiario, William Arthur Lewis, en ekonomiko ye 1979.