Dominika

Commonwealth of Dominica Flago di Dominika Blazono di Dominika Chefurbo: Roseau ·Lojanti: 14,847 kontado (2001) Precipua urbo: Roseau Oficala linguo: Angliana Guvernerio: Republiko ·Prezidisto: Nicholas Liverpool ·Chefa ministro: Roosevelt Skerrit Surfaco: (184ma granda) ·Totala: 754 km² ·% aquo: 1,6 Lojanti: (195ma granda) ·Totala: 72.660 (2009) ·Lojanto-denseso: 105 loj./km² Nacionala himno: Isle of Beauty, Isle of Splendour Pekunio: Est-Karibeana Dolaro Reto-kodo: .dm Precipua religio: katolikismo, 79,3%

Dominika esas insulo e lando en Karibeano.

Bazala fakti pri Dominika.

Historio

Insulo nomesis da Kristoforo Kolumbo qua deskovris ol ye sundio (en Latina dominica), 3 di novembro 1493. Ye 1635 Francia reklamacis l'insulo kom lua teritorio. Lore, Franca misioneri divenis l'unesma Europani habiteri dil teritorio. Lua situeso, inter Martinik e Guadelupa faciligis Franca administro e koloniizo.

Ye 1763 kom rezulto di Sep-yara milito l'insulo divenis Britaniana posedo. Ye 1778 dum l'Usana revolucionala milito Francia muntis sucesoza invado kun la koopero di lokala habitanti. Malgre ta, ye 1783 kun Paris-kontrakto, Francia retrodonis l'insulo a Unionita Rejio.

Ye 1763 Britani establisis legifala asemblajo, qua reprezentis nur blanka habitanti. Ye 1831 tre nigra habitanti komencis partoprenar en l'asemblajo. Ye 1838 pos l'aboliso di sklaveso Dominika divenis l'unika Britana kolonio ube nigri kontrolis legifantaro.

Dum la 20ma yarcento pos l'Unesma mondo-milito on komencis kreskar politikala koncio en Karibeana regiono pri autonomio e nedependeso. Dominika esis administrita kom parto di West-Indii Federuro de 1958 til 1962, e pos un stato asociita kun Unionita Rejio ye 1967. Finale, ol divenis nedependanta ye 3 di novembro 1978.

Politiko

Dominika esas republiko. La prezidisto, elektata da parlamento por 5 yari, esas la chefo di stato. La chefo di guvernerio esas la chefa ministro.

La legifala povo havas unika chambro, la House of Assembly, kun 30 membri elektata da populo, e 9 senatani elektata da prezidisto o da altra membri de la House of Assembly.

Geografio

Ulo esas largata shirmata per luxuria pluvo-foresto, ube esas la duesma monda bolianta lago.

Ekonomio

Videz anke: Ekonomio di Dominika.

Ye 2008 Dominika havis un di min granda KLP per persono di Est-Karibeana stati. Lando preske havis financala krizo ye 2003ed ye 2004, ma l'ekonomio kreskis cirkum 3,5% ye 2005 e 4% ye 2006 danko a turismo.

Banano ed altra agrokultivala produkti dominacas l'ekonomio di lando.

Demografio

La maxim granda urbo esas Roseau. Altra importanta urbo esas Portsmouth.

Kulturo

Arawak e Karib indijeni influis en la kulturo di Dominika. Nur existas un teritorio kun 15 km² di totala surfaco ube ceteri Karibi vivas, en esto di lando.

Muziko e danso anke esas importanta en la kulturo di Dominika. En la nedependeso-dio, okuras festi kun kreola muziko, qua havas Afrikana e Kubana influi.