Trinidad e Tobago
Republic of Trinidad and Tobago
|
|||||||||||||||||||||||||||||||||||||||||||||||||||||||
Trinidad e Tobago esas lando formata da 2 insuli en Karibeano, Trinidad (la maxim granda) e Tobago, ed altra mikra insuleti.
Bazala fakti pri Trinidad e Tobago
Indexo |
Historio [redaktar]
 |
Videz anke: Historio di Trinidad e Tobago. |
Tobago nomesis da Kristoforo Kolumbo ya 1498 de la Haitiana vorto tambaku (pipo) - forsan pro ke il remarkis l'indijena kustumo di fumar tabako en pipi. Trinidad anke nomesis da Kristoforo Kolumbo en 1498, forsan pro Triuno-Sundio, o pro tri insul-monti videbla de maro.
Dum 18ma yarcento le du insuli esis Hispaniana kolonio, ma ta epoko l'insuli esis kovrita da foresti e havis poka Hispaniana habitanti, kelka sklavi e kelka indijeni. En fino dil yarcento, Franca Revoluciono havis efekti en la kulturo dil insuli, nam plantacisti de Martinika ekmigris a l'insuli ed establisis agrokultivo di sukrokano e kakao[1]. Ye 1797 dum Napoleona militi Britaniani okupis Trinidad[2]. Tobago ne havis habitanti til 17ma yarcento, kande esis sucedante okupita da Nederlandani, Franciani, Britaninani e Hispaniani. Ye 1814 Britaniani enkorpigis ol ad Britaniana Imperio[2]. L'insuli divenis unika Britaniana kolonio ye 1889.
Ye 3 di januaro 1958 Trinidad e Tobago kun Jamaika ed altra insuli esis unionita en Federuro di Westala Indii kun chef-urbo en Charaguamas, ma kun la nedependeso di Jamaika ye 1961 la federuro desaparis. Ye 31 di agosto 1962 Trinidad e Tobago divenis nedependanta de Unionita Rejio, unesme kom monarkio, ma ye 1976 ol divenis republiko. Ellis Clarke esis l'unesma prezidisto.
Ye julio 1990 islama radikala grupo Jamaat al Muslimeen atemptis renversar guverno. La grupo mantenis chefa ministro Arthur Napoleon Raymond Robinson kom gajo-homo dum ke tumulti okuris en Port-of-Spain. Pos negocii, Yasin Abu Bakr, chefo dil grupo, kapitulacis ad autoritati.
Politiko [redaktar]
Trinidad e Tobago esas parlamentala republiko, kun du politikala partisi. La chefo di stato esas la prezidisto, qua esas elektata da elekterala kolegio. Il elektas la chefa ministro. Lua nuna konstituco esis adoptita ye 1976.
La parlamento havas du chambri: Senato (kun 31 membri) e Chambro di Reprezentanti, kun 41 membri.
Geografio [redaktar]
La punto di lua teritorio maxim proxima di Sud-Amerika jacas 11 km de Venezuelana litoro. Trinidad, la precipua insulo, havas 4,768 km², o 93% di totala surfaco di lando.
Teritorii dil insuli mixuras alta e basa tereni. La maxim alta monto di lando esas El Cerro del Aripo, kun 940 metri di altitudo. Lua klimato esas tropikala. Lando ne esas efektigita da uragani.
Ekonomio [redaktar]
|
Videz anke: Ekonomio di Trinidad e Tobago. |
Petrolo e natur gaso influas forte en Trinidadana ekonomio, e reprezentas cirkum 40% di KLP e 80% di exportacaji.
Demografio [redaktar]
Ye 2005 cirkum 96% de totala populo vivis en Trinidad, e 4% en Tobago. Du rasala grupi, Indiana Trinidadani ed Afro-Trinidadani responsas por 80% di 1.3 milioni lojanti di lando. Kristanismo esas religio por 65,7% di la populo.
La maxim granda urbo esas Chaguanas. Altra importanta urbi esas San Fernando, Port-of-Spain (chef-urbo), Arima, Marabella e Point Fortin.
Kulturo [redaktar]
Muzikala genero calypso originis en Trinidad e Tobago, ed ultre stalo-tamburo, perkut-instrumento kreita de stalo-bareli uzata por depozar petrolo. Soca esas altra muzikala genero kun origino en Trinidad e Tobago. Karnavalo di lando esas multe konocata. Kelka notora Trinidadana muzikisti esas Edmundo Ros, Billy Ocean e kantistino Nicki Minaj.
En literaturo, la maxime notora Trinidadan autoro esas V. S. Naipaul, qua ganis Nobel-premio ye 2001.
La maxim populala sporto di lando esas kriketo. Ye 1976 atleto Hasely Crawford ganis l'unesma ora medalio por Trinidad e Tobago en l'Olimpiala Ludi en Montreal.
Referi [redaktar]
 |
|
|---|---|
| Arjentinia | Bolivia | Brazilia | Chili | Kolumbia | Equador | Guyana | Panama | Paraguay | Peru | Surinam | Trinidad e Tobago | Uruguay | Venezuela | |
| dependanta teritorii: Falklandi | Franca Guyana | |
| Stati e teritorii en Karibeano |
|---|
| Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago |
| Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Portuo Riko | Sint Maarten | Turks e Kaikos-Insuli | Virgin-Insuli Usana |
| Anciena Nederlandan Antili, nune parto di Nederlando: Bonaire | Saba | Sint Eustatius |
