Santa Kitts e Nevis

De Wikipedio
Irez ad: pilotado, serchez
Federation of Saint Kitts and Nevis
Flag of Saint Kitts and Nevis.svg Coat of arms of Saint Kitts and Nevis (variant).svg
Flago di Santa Kitts e Nevis Blazono di Santa Kitts e Nevis
Mapo di Santa Kitts e Nevis
Chefurbo: Basseterre
·Habitanti: 13.262 (2003)
Precipua urbo: Basseterre
Oficala linguo: Angliana
Guvernerio: Monarkio
·Rejino: Elizabeth 2ma
·General-guverniestro Cuthbert Sebastian
·Chefministro: Denzil Douglas
Surfaco: (207ma granda)
·Totala: 261 km²
·% aquo: neglijebla
Habitanti: (209ma granda)
·Totala: 51.300 (2005)
·Lojanto-denseso: 164 hab./km²
Nacionala himno: O Land of Beauty!
Pekunio: Est-Karibeana dolaro
Reto-kodo: .kn
Precipua religio: kristanismo, 96,1%

Santa Kitts e Nevis esas mikra lando qua jacas en Karibeano. La plena nomo dil arkipelago esas Santo Christopher-Nevis. Kit es Angla familiara nomo di Christopher.

Bazala fakti pri Santa Kitts e Nevis.

Historio[redaktar | edit source]

Exquisite-kfind.png Videz anke: Historio di Santa Kitts e Nevis.

Cirkum 500 yari ante l'arivo di Europani, indijeni habitis l'insuli. Kalinango, lasta indijena populo ad arivar, arivis 300 yari ante l'Europani. L'arkipelago deskovresis da Cristoforo Colombo en 1493 e probable nomesis da lu segun lua patron-santo. En 1538 Franca hugenoti establisis su en Santa Kitts.

L'insulo di Nevis koloniigesis da Angliani en 1628. De ibe, ol komencis koloniigar altra insuli, exemple Antigua, Montserrat, Anguila e Tortola. Britanii okupis tota la teritorio en 1814, e formacis kolonio nomizita St.Kitts-Nevis-Anguila.

Santa Kitts-Nevis-Anguila divenis autonoma en 1967. Anguila rebelesis e divenis separita kolonio en 1971. Santa Kitts e Nevis divenis nedependanta de Unionita Rejio en 19 di septembro 1983.

Politiko[redaktar | edit source]

Santa Kitts e Nevis esas konstitucala monarkio. Elizabeth 2ma di Unionita Rejio reprezentesas da Cuthbert Sebastian, general-guberniestro. La chefo di guvernerio esas la chefministro, qua elektesas da la generala-guberniestro, e generale esas la chefo dil partiso qua recevas la majoritato di la voti.

La parlamento (National Assembly) havas 14 o 15 membri, di qui 11 esas deputati qui elektesas dal populo por 5-yara periodo en elektala distrikti. L'altra 3 esas senatani qui elektesas da la generala guberniestro. La lasta membro dil parlamento esas la supera statala advokato (attorney-general, en Angla), qua esas membro ex-officio.

La maxim alta korto esas l'Est Karibeana Supra Korto, kun sideyo en Santa Lucia. Un di la judiciisti di la supra korto vivas en Santa Vincent. La konstituco di Santa Kitts e Nevis aprobesis en 22 di junio 1983 ed adoptesis la sequanta dio[1].

Geografio[redaktar | edit source]

Mapo di Santa Kitts e Nevis.

L'insuli havas volkanal origino. La maxim alta monto dil arkipelago esas Mount Liamuiga (1 156 m) en Saint Christopher. La maxim alta monto di Nevis esas Mount Nevis (956 m). Nevis insulo jacas 3 km suda di Saint Christopher (Santa Kitts). La total extenseso dil litoro esas 135 km.

Geologiale l'insuli esas yuna; la maxim olda roki probable formacesis 50 milion yari ante nun, dum Mioceno. Nevis komencis formacar cirkume 3.45 milion yari ante nun, dum Plioceno.

La klimato esas tropikala temperata da marala venti. La pluvoza sezono esas de mayo til novembro.

Ekonomio[redaktar | edit source]

Exquisite-kfind.png Videz anke: Ekonomio di Santa Kitts e Nevis.

Turismo esas importanta fonto di revenuo.

Demografio[redaktar | edit source]

Santa Christopher o Santa Kitts, la maxim granda insulo, koncentras 80% de la habitantaro. La maxim grand urbo esas Basseterre, la chef-urbo. Altra importanta urbo esas Charleston.

Kulturo[redaktar | edit source]

Karnavalo en Santa Kitts okuras de 18 di decembro til 3 di januaro. En junio okuras festivalo di muziko en lando.

Referi[redaktar | edit source]

  1. 1983 Saint Kitts and Nevis Constitution. URL vidita ye 10 di agosto 2014.


Stati e teritorii en Karibeano
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Porto-Riko | Sant Maarten | Turks e Kaikos-Insuli | Virgin-Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius