Basilikata

De Wikipedio
Regione Basilicata
Chefurbo Potenza
(68 608 habitanti en 2009)
Surfaco 9 995 km²
Habitanti
Denseso di habitantaro
575 902 (2012)
58 hab./km²
Guberniestro Marcello Pittella (PD)
Reto www.regione.basilicata.it

Basilikata esas Italiana regiono sude de la lando, inter Kalabria, Kampania e Puglia.

Bazala fakti pri Basilikata.

Historio[redaktar | redaktar fonto]

Homo erectus ja habitis la regiono dum Paleolitiko. Dum Greka periodo la regiono esis parto de tale nomizita Magna Grekia. Greki establisis su en Siris, Metaponto ed Heraclea.

Dum Romana Imperio la regiono konocesis kom Lukania, de Latina vorto lucus, signifikanta "foresto". Romani kompletigis l'okupeso di la regiono dum la 2ma yarcento aK, e komencis explotar lua foresti. Pos, Bizancani okupis la regiono e nomizis ol Basilicata, de Basilikos ("imperiala").

Normandi e Suabi anke okupis la regiono. Dum 13ma yarcento feudismo establisesis en la regiono, e impedis ekonomiala rekupero di la regiono, qua restis en abjekta povreso.

Pos plu kam 1 yarcento di okupeso dal Rejio di la Du Sicilii, ye la 18ma di agosto 1860 ol anexesis al Rejio Italia. Tamen, pro la mala standi ekonomiala ed ambientala di la regiono, exemple zone ube malario esis endemika, multa habitanti ekmigris. Erste dum la yari 1930ma la substrukturo plubonigesis, exemple per konstrukto di aquedukto. Dum la duesma mondomilito, Matera divenis l'unesma Italiana urbo qua rebeleskis kontre Germani, ye la 21ma di septembro 1943.

Geografio[redaktar | redaktar fonto]

Montoza regioni reprezentas 46,8% de Basilikata.

Montoza regioni reprezentas 46,8% de Basilikata. Basa tereni reprezentas nur 8% de omna surfaco. La maxim alta monto di la regiono esas Monto Pollino, kun 2 267 metri di altitudo.

Proxim la litoro, la klimato esas mediteranea, ma litorofore la klimato esas kontinentala, pro influi del altitudo. En alta monti povas nivar dum la vintro.

La maxim importanta fluvii de Bazilikata esas Basento, Agri, Sinni, e Cavone. La lagi proxim Monticchio havas volkanal origino, kontre ke la lagi de Pietra del Pertusillo, de San Giuliano, e de Monte Cotugno konstruktesis dal homo.

Basilikata havas du provinci: Potenza (chefurbo:Potenza), e Matera (chefurbo: Matera).

Ekonomio[redaktar | redaktar fonto]

La bazo ekonomiala di Bazilikata esabas agrokultivo. Plantacerii reprezentas 46% del uzo di tereni. Terpomo e maizo kultivesas en montoza regioni.

Ica seciono esas vakua, nesuficante detaloza o nekompleta. Vua helpo esas bonvenanta!

Referi[redaktar | redaktar fonto]

Italiana flago Regioni di Italia Italiana flago
Abruzzo | Apulia | Basilikata | Emilia-Romagna | Friuli-Venezia Giulia | Kalabria | Kampania | Lazio | Liguria | Lombardia | Marche | Molise | Piemont | Sardinia | Sicilia | Toskania | Trentino-Supr Adijo/Suda Tirol | Umbria | Valo d'Aosta | Veneto