Giacomo Puccini

De Wikipedio
Irez ad: pilotado, serchez
Giacomo Puccini
GiacomoPuccini.jpg
Profesiono: kompozisto di opero
Lando: Flag of Italy.svg Italia
Nasko-dio: 22 di decembro 1858
Nasko-loko: Lucca, Toskania, Italia
Morto-dio: 29 di novembro, 1924
Morto-loko: Bruxelles, Belgia

Giacomo Puccini (22 di decembro 1858 Lucca, Toskania1924) esis un de la maxim konocita Italiana kompozisti di opero. Lua konocata operi esas La Bohème e Tosca.

Plura de lua ancestri esis muzikisti. Ilua patro Michele esis muziko-docisto. La patro di Michele esis Domenico Puccini (17721815), qua kompozis plura verki, precipue por piano. Avulo di Domenico esis Giacomo Puccini (17121781) qua rezidis en Lucca, ube ye la katedralo di St Martin il esis orgenopleisto e plu tarde kapel-maestro; il esis kompozanto di multa verki dramatala e sakra.

La Bohème[redaktar | edit source]

Ye 1 di februaro 1896. ilua opero La Bohème esis unesmafoye pleata, en la Teatro Regio en Torino, direktata da Arturo Toscanini. La evento esis sucesoza; la verko esis balde pleata da operala kompanii en Italia ed altra landi. La fonto di la rakonto esis Scènes de la vie de bohème da Henri Murger, kolekturo de rakonti pri vivado en la Quartier latin de Paris en la 1840-yardeko; anke utiligata esis la dramato La Vie de la bohème, da Murger e dramatisto Théodore Barrière; tamen multo en la opero esis originala.

Turandot[redaktar | edit source]

Konstatesis ye la fino di 1923 ke Puccini sufras pro kancero di la guturo. Il mortis ye 29 di novembro 1924, evante 65 yari. Ilua lasta opero Turandot esis ne-kompleta ye ilua morto; ol esis kompletigata da la kompozisto Franco Alfano. La opero esis unesmafoye pleata ye La Scala, Milano, sen la kompletigo, ye 25 di aprilo 1926, direktata da Arturo Toscanini. Meze di la triesma akto, Toscanini cesigis la pleado, e dicis a la audantaro, "Hike la opero finas, nam ye ca punto la maestro mortis."