Estonia
Eesti Vabariik
|
|||||||||||||||||||||||||||||||||||||||||||||||||||||||
Estonia jacas en norda Europa. Ol esas la maxim norda stato dil Baltika stati. Lua vicina landi esas:
En nordo ed en westo jacas Baltika Maro.
Bazala fakti pri Estonia.
Indexo |
Historio [redaktar]
 |
Videz anke: Historio di Estonia. |
Homi komencis okupar la regiono di nuna Estonia ulatempe inter 11.000 aK til 9.000 aK. Romana historiisto Tacitus, en lia libro Germania (c. yaro 98) deskriptis la tribuo "aesti", posible origino di la nomo "Estonia".
Dum 13ma yarcento lokala chefo Lembitu atemptis unionar le populi qua vivis en la regiono kontre la Daniana e Germaniana okupeso, ma esis mortigita en batalio ye 1217. La regiono divenis princio de Santa Romana Imperio[3]. La nordala regioni di lando divenis parto di la Dukio di Estonia[4], direkta dominio de la Rejo di Dania.
Ye 1228 Estonia divenis parto de Terra Mariana, oficala nomo di la princio di Livonia, establisita ye 2 di februaro 1207[5] e parto di Santa Romana Imperio. La sudo di la regiono divenis sub direkta imperio de la rejo di Dania de 1219 til 1346.
Ye 1632 sub la dominio di Suedia esis fondita l'universitato en Dorpat (lore Tartu) ma, pos un milito kontre Rusiana Imperio ye 1721, Suedia perdis la regiono por Rusia.
Estonia divenis nedependanta de Rusiana Imperio de 24 di februaro 1918 til 16 di junio 1940 kande esis okupita da Soviet-Uniono (videz Anexo di Estonia a Soviet-Uniono). Ol divenis Sovieta republiko til 20 di agosto 1991, kande ol re-deklaris nedependeso.
Estonia divenis membrostato di Europana Uniono ye 1 di mayo 2004.
Politiko [redaktar]
Estonia esas parlamentala republiko. La chefo di stato esas la prezidisto, elektata da parlamento. Nune esas Toomas Hendrik Ilves. La chefo di guvernerio esas la chefa ministro, nune Andrus Ansip. La parlamento (en estoniana linguo: Riigikogu) havas 101 membri, elektata da populo por 4 yari.
Ye 15 di junio 1920 konstitucala asemblajo votis l'unesma konstituco di lando. Nuna konstituco, la 4ma di la historio di lando, esis adoptita ye 28 di junio 1992 da referendo.
Geografio [redaktar]
Estonia havas 267 kilometri di frontieri kun Latvia e 290 kilometri kun Rusia. Lando havas 1400 lagi. Granda parto esas mikra, e la maxim granda esas Lago Peipsi, kun 3.555 km². La klimato di lando jacas en transito inter temperema e kontinentala klimati.
La maxim alta monto esas Suur-Munamägi (318m), e la maxim granda lago esas Peipsi Järv.
Ekonomio [redaktar]
|
Videz anke: Ekonomio di Estonia. |
Segun ekonomiala informo Eurostat, publikigita ye 15 di novembro 2010, Estonia havas la min granda guvernala debo komparita a KLP de Europana Uniono: nur 7,2% en fino di 2009[6]. Por lua forta ekonomiala kresko dum recenta yari, lando esis sur-nomizita "la Baltika tigro".
Lando dependas de skist-argilo por producar 90% di lua elektro. Alternativa fonti, kom ligno, torfo o biomaso reprezentas nur 9% di totala producajo di energio. Lando importas petrolo de Rusia e de West-Europa.
Lando adoptis l'Euro kom pekunio ye 1 di januaro 2011[7].
Demografio [redaktar]
De la populo 69,3 % esas urbani. De la Estoniani esas
- Estoni 68 %
- Rusi 26 %
- Ukraini 2 %
- Bielorusi 1 %
- Fini 1 %
Kulturo [redaktar]
Poka libri esis skribita en Estoniana linguo til la nedependeso, ye 1918. La maxim anciena registri en Estoniana esis skribita dum la 13ma yarcento. Oskar Luts esis la maxim importanta autorulo di prozo de l'anciena Estoniana literaturo.
Cinemo en Estonia komencis ye 1908 kun filmo pri la vizito di rejulo Gustaf 5ma di Suedia a Tallinn[8]. L'unesma brodkasto di televiziono en Estonia okuris ye julio 1955.
Cetera aferi [redaktar]
Referi [redaktar]
- ↑ "Tallinna elanike arv" - en Estoniana linguo
- ↑ Statistis Estonia stat.ee
- ↑ Herbermann, Charles George (1907) The Catholic Encyclopedia Robert Appleton Company.
- ↑ Knut, Helle (2003). The Cambridge History of Scandinavia: Prehistory to 1520. Cambridge University Press. p. 269. ISBN 0-521-47299-7
- ↑ Bilmanis, Alfreds (1944) Latvian-Russian Relations: Documents The Latvian Legation
- ↑ "Institutions" europolitics.info
- ↑ Estonia adopts Euro as of Jan 1 (en Angliana)
- ↑ Cinema of Estonia einst.ee
 |
|
 |
|---|---|---|
| Membrostati: | Austria – Belgia – Bulgaria – Chekia – Chipro – Dania – Estonia – Finlando – Francia – Germania – Grekia – Hispania – Hungaria – Irlando – Italia – Latvia – Lituania – Luxemburgia – Malta – Nederlando – Polonia – Portugal – Rumania – Slovakia – Slovenia – Suedia – Unionita Rejio | |
| Futura membro: | Kroatia (ye 2013) | |
| Negocianta stati: | Islando - Montenegro – Turkia | |
| Peticionanta stati: | Republiko Macedonia – Serbia – Albania | |
 |
|
|---|---|
| Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano | |
| dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen | |
