Moldova
Republica Moldova
|
|||||||||||||||||||||||||||||||||||||||||||||||||||||||
Moldova o Moldavia esas nova stato inter Rumania (en sudo ed en westo) ed Ukrainia (en esto ed en nordo). Ol naskis kande Soviet-Uniono krulis e Kolda milito finis en Europa. Lua vicina landi esas:
En sudo jacas Nigra maro.
Anekdotale la nomo dil lando, e pos la stato, devenas de nomo di la hundo di ula Rumaniana princo, olta dronis su en rivero en l'areo.
Bazala fakti pri Moldova.
Indexo |
Historio [redaktar]
 |
Videz anke: Historio di Moldova. |
Neolitika objekti de la kulturo di Cucuteni esis trovita en la regiono di nuna Moldova. La kulturo di Cucuteni existis de cirkum 5.500 aK til 2750 aK, e praktikis agrokultivo, edukado di animali, chaso ed elaboris ceramikajo[2]. La kulturo di Cucuteni anke havis granda urbi, kun plu kam 15.000 lojanti.
De 1ma til 7ma yarcento la sudo di la regiono esis okupita unesme da Romani e pos da Bizantini. Por lua strategiala loko en Europa, diversa populi invadis la regiono, kom Goti, Huni, Avari, Bulgari, Hungari, Mongoli e Tatari.
La princio di Moldavia esis establisita ye 1346 e lastis til 1859, kande la regiono esis unionita kun nuna Rumania. Ante la fino di Unesma mondomilito, ye 1917 la regiono deklaris su nedependanta kun la nomo di Demokratiala Republiko di Moldavia, qua lastis til 1918. Besarabia deklaris su nedependanta de Rusiana Imperio ed unionis su kun Rumania. En exilo, esis formita la guverno di la Socialista Sovieta Republiko di Besarabia.
Ye agosto 1939 Ribbentrop-Molotov pakto agnoskis Besarabia kom sub Sovietana influo. Ye 1940, dum Duesma mondomilito, Soviet-Uniono demandis ke Rumania cedis la teritorii di Besarabia e la nordo di Bukovina, konocata kom Transdniestria. Rumania aceptis, e la Socialista Sovieta Republiko di Moldova esis formita.
Ye 1941 kom parto dil invado di Soviet-Uniono da Nacista Germania, Rumania invadis la regioni di Berarabia, Bukovina e Transdniestria. Rumania, en kunlaboro kun nacisti, deportis od exterminis cirkum 300,000 judi. Sovietani riokupis la regiono inter februaro ed agosto 1994, e riestablisis SSR Moldova.
Dum guverno di Yosif Stalin lokala populo sufris kun deporti e famino. Pos duesma mondomilito, granda nombro di Rusi, Ukraini e Bielorusi enmigris vers la regiono. Dum 1980a yari kreskis la demando por nedependeso. Finale, pos la falio di stato-stroko en Soviet-Uniono kontre la reformi di perestroika e glasnost, Moldova deklaris lua nedependeso, ye 27 di agosto 1991.
Politiko [redaktar]
Moldova esas nun (mentale) dividata en du. Streta areo che esta limito, Transdniestria, volas unionar su a Rusia, pro ke la majoritato de habitanti parolas la Rusiana linguo. Altra Moldova volas – se ne unionas su kun Rumania – adminime sequar Rumania ad Europana Uniono.
Segun lua konstituco, Moldova esas parlamentala republiko.
Geografio [redaktar]
- Surfaco: 33,851 km²
- Lojanti: 4,400,000.
- en Transdniestria: 633,000.
Chefurbo (lojanti): Chisinau (647,513, ye 2004).
Ekonomio [redaktar]
|
Videz anke: Ekonomio di Moldova. |
Valuto: Leu di Moldova.
Demografio [redaktar]
La maxim granda urbo esas chef-urbo, Chisinau, kun plu kam 600 mil lojanti. Altra importanta urbi esas Tiraspol (194,000) e Balti (155,000).
Kulturo [redaktar]
Moldovana kulturo havas Latina e Slava influi. Mihai Eminescu esas importanta Moldovana e Rumaniana poeto.
Lekto-saveso: 99,1%.
Referi [redaktar]
- ↑ Nacionala Statistiki pri Moldova
- ↑ "Phase and chemical composition analysis of pigments used in Cucuteni Neolithic painted ceramics", Bogdan Constantinescu e Roxana Bugoi
Extera ligili [redaktar]
- Guvernerio di Moldova - oficala pagino
- Parlamento di Moldova
- Ministerio di Extera Aferi
