Alpi

De Wikipedio
La monto Cervino/Matterhorn; ye la frontiero di Suisia ed Italia

La Alpi esas granda montaro en Europa; olua extenso esas cirkume 1200 km, trans ok landi: Suisia, Austria, Liechtenstein, Slovenia, Italia, Monaco, Francia e Germania.

Monto-acensado en la Alpi[redaktar | redaktar fonto]

La somito di la monto Cervino - la Matterhorn - en la Alpi, esis unesmafoye atingata ye 14 di julio 1865, da sep klimeri de qui la duktero esis Edward Whymper. Il esis Angla ilustristo qua vizitabis la Alpi depos 1860 por facar ilustruri di montala ceni, ed il anke klimis plura de la monti. Il ja kelkafoye esforcabis klimar la Cervino, ma ne trovabis apta voyo. Por la decenso de la somito di la Cervino, Whymper e la altri esis konektata per kordo; un misjudikis sua pedo-loko e falis, tirante altri kun il. Tale quar klimeri mortis; ma la konektanta kordo ruptis pos la quaresma homo, e Whymper e du altri posvivis la expediciono.