Cesez Parolar Inteligente
Cesez Parolar Inteligente (Angla titulo: Stop Making Sense) esas Usana filmo de 1984 pri koncerto dal Usana bando Talking Heads (parolanta kapi). La filmo rejisesis da Jonathan Demme.
La filmo konsideresas klasikajo pro la qualeso di la muziko e la formo di la filmo. Quankam esas registrago di koncerto (fakte tri koncerti en 1983 en la Pantages-teatro en Hollywood), la publiko ne esas vidata. L'ideo por la filmo esis ke, quale kustumale unesme aparas sur l'estrado David Byrne, qua sempre sole komencis per la suces-kansono "Psycho Killer", e pose po kansono aparas un plusa membro di la bando: basisto Tina Weymouth, Chris Frantz e Jerry Harrison. Tamen, por la koncerto qua filmigesis la bando havis kin membri extra, l'"expansita kapi".
La titulo di la filmo venas de la kansono "Girlfriend is better": "As we get older and stop making sense..." (Dum ke ni oldeskas e cesas parolar inteligente).