Egiptiana hieroglifi

De Wikipedio
Irez ad: pilotado, serchez
Hieroglifi surskribita ye l'obelisko di Hatshepsut erektita en Karnak.

Egiptiana hieroglifi esis l'antiqua skribosistemo uzita da l'anciena Egiptiani qua kombinis lolografala ed alfabetala elementi. L'Egiptiani uzis kursiva hieroglifi por religiala literaturo sur papiro e ligno. Min formala varii di la skripto, nomizita hieratiko e demotiko, teknikale ne esas hieroglifi.

Etimologio[redaktar | edit source]

La vorto hieroglifo venas ek la Grekiana radiki ἱερός (sakra) e γλύφειν (grabar).

Egiptiana vorto por hieroglifo transliteras kom mdu nṯr,
transkribita kom medu necher, qua signifas sakra vorti:
R8 S43 Z3

Historio[redaktar | edit source]

La maxim tarda datizita Egiptiana hieroglifi, qui esas konocata, esis enskribata en la 4ma yarcento en la templo di Isis, ye Philae en suda Egiptia. La dato enskribita, qua korespondas a 24 di agosto 394, esis la nasko-dio di Osiris, yaro 110 (di Diocletianus). La enskriburo relatas ula rejala dekreto; apud la hieroglifi, domajita figuro di rejulo kun krono esas grabita. Ca templo di Isis esis sur la insulo Philae; kun altra strukturi sur la insulo, ol esis transpozata en la 1960a yari a plu alta tereno sur vicina insulo, kande la Aswan-barilo, por regular aquo-fluo, esis kreata.

Extera ligili[redaktar | edit source]