Germani dil Karpati

Jurnalo Pressburger Zeitung, imprimita en l'urbo di Pressburg, nune Bratislava, Slovakia ye 1869.

Germani dil Karpati (Germaniana: Karpatendeutsche, Hungariana: Felvidéki németek, Slovakiana: Karpatskí Nemci) esas grupo di parolanti di Germaniana linguo qua vivas en teritorio di nuna Slovakia. La frazo esis kreita da historiisto Raimund Friedrich Kaindl ed esas uzata kelkafoye por referar a Germani en Rutenia.

Historio

Germani establisis su en nordala teritorio di Rejio di Hungaria (teritorio nune parto di Slovakia) de la 12ma til la 15ma yarcento, specala pos l'invado di Mongoli ye 1241. Probable ante existis kelka izolita koloniani en Pressburg (nune Bratislava). Germani generale verkis kom mestieristi o komercisti. Til cirkum la 15ma yarcento, l'administreri di l'urbi en la regiono esis preske exkluzive germani.