Granda Dikto di la Nederlandana Linguo
La Granda Dikto di la Nederlandana Linguo (Het Groot Dictee der Nederlandse Taal) esas konkurso por adulti pri la korekta espelo di la nederlandana linguo. Ol eventas singlayare ye la triesma saturdio di decembro e brodkastesas ye televiziono en Nederlando e Belgia.
Spektanti heme povas skribar samtempe kam la konkursanti por probar sua propra espelo-habileso. La konkurso eventas en la edifico di la Unesma Chambro dil parlamento en Den Haag. La televizion-brodkasto esas prizentata dal ex-jurnalisto nederlandana Philip Freriks e prizentisto flandriana, qua depos 2015 esas Freek Braeckman.
La konkurso havas singlayare sisadek partoprenanti: triadek de Nederlando e triadek de Flandria. Duimo de singla grupo konsistas ek invitita eminenti, e duimo ek partoprenanti selektita per pre-konkurso en la jurnali de Volkskrant e De Morgen. Til hodie nur un eminento ganis la konkurso.
La espelo-reguli adheras la Woordenlijst Nederlandse Taal o "Verda Libreto"; por vorti qui ne esas en la Verda Libreto, on referas la dicionario Van Dale. La konkurson ganis dekfoye nederlandani, e dek-e-tri-foye flandriani, kun du egalesi.
Inter 2004 e 2012 eventis anke konkurso por pueri, nomizita la Groot Kinderdictee.