Igor Stravinsky

De Wikipedio
Irez ad: pilotado, serchez
Igor Stravinsky
Igor Stravinsky LOC 32392u.jpg
Profesiono: kompozisto e muzikala produktisto
Lando: Flag of Russia.svg Rusia
Nasko-dio: 17 di junio 1882
Nasko-loko: St. Peterburg, Rusia
Morto-dio: 6 di aprilo 1971
Morto-loko: New York, Usa

Igor Fyodorovich Stravinsky (17 di junio 1882 apud St. Peterburg til 6 di aprilo 1971 en Nova-York) esis Rusiana klasika kompozisto.

Importanta verki esas:

  • L'oiseau de feu (La fair-ucelo)
  • Le sacre du printemps (La printempo-sakrigo)

Le Sacre du Printemps[redaktar | edit source]

Ca baleto esis unesmafoye pleata en Paris ye 29 di mayo 1913. Ol esis produktata da Sergei Diaghilev, kun dansadi desegnita da Vaslav Nijinsky. La muziko da Stravinsky esis por granda orkestro.

La origino di la muziko esis sonjo quan Stravinsky experiencis en 1910: en la sonjo, il vidis solena pagana rituo; sajuli sidis en cirklo, regardante yunino qua dansis til sua morto; el esis sakrifikata a la deo di Printempo. Stravinsky komencis skisar projetata simfonio pri ca ideo. Kande Diaghilev audis ca skisuri, il persuadis la kompozisto krear baleto de la muziko.

Ye la unesma pleado, la nekustumala, insistema ritmi, e la primitiva stilo di la dansado, qui tante diferis de antea baleti, produktis desquieteso en la audantaro, quo divenis tumulto.

En sequenta yari, la muziko esis ofte pleata sen la dansado, e recevis aklami. Pro olua aventuroza ritmii e harmonii, la muziko esis multe diskutata, ed esis estimata kom importanta kompozuro di la 20ma yarcento.

Simfonio en Tri Movimenti[redaktar | edit source]

Ye 24 di januaro 1946 en New York, ilua Simfonio en Tri Movimenti esis unesmafoye pleata, direktata da la kompozisto. Stravinsky skribis la verko dum 1942-1945; ol esis ilua unesma notenda verko depos ke il komencis rezidar en Usa. Il agnoskis ke la verko esis influata da eventi di la duesma mondomilito. Ol anke esis influata da altra kompozuri skribata dum ta periodo: la unesma movimento inkluzas notenda parto por piano, prenita de piano-koncerto-peco quan il abandonabis; la verko utiligas materio de altra abandonita projeti.