J.R.R. Tolkien
| John Ronald Reuel Tolkien | |||
|---|---|---|---|
 |
|||
| Profesiono: | Skribisto, poeto, filologisto e profesoro | ||
| Lando: |  Unionita Rejio |
||
| Nasko-dio: | 3 di januaro 1892 | ||
| Nasko-loko: | Bloemfontein, hodie Sud-Afrika | ||
| Morto-dio: | 2 di septembro 1973 | ||
| Morto-loko: | Bournemouth, Dorset, Anglia | ||
John Ronald Reuel Tolkien, (AFI: dʒɒn ˈɹʷɒnld ˈɹʷuːəl ˈtʰɒlkiːn) (1892 til 1973), citata kam J. R. R. Tolkien o JRRT, esis Britaniana skribisto, poeto, filologisto e profesoro, konocata precipue pro esar l'autorulo dil klasika romanci di fantazio La Hobbit o La Sioro dil Ringi.
Literaturala verko [redaktar]
Poemi [redaktar]
L'unesma poemo ke Tolkien atingis publikigar esis "La batalio di l'Estala Campo, en 1911, kando il havis 19 yari.
Delonge, Toelkien interesigis en ancien Angliana e legabis multa verki en ica linguo, kam la poemo Christ 2ma da Cynewuld; du linei di ta impresis il speciale:
 |
Eala Earendel engla beorhtast. Ofer middangeard monnum sended |
 |
En 1914, inspirita da ta linei, Tolkien skribis la poemo "La vojayo di Eärendel, la vespera stelo", qua rakontis la vojayo en cielo da maristo Eärendel, plu tarda konvertita en Eärendil. Ica poemo esus esencala en la developo di lua esonta personaji.
Tolkien kontinuis skribinta multa poemi, ula di li relatita kun lua personaji e ke plu tarda esus inkluzita da ilua filiulo Christopher en la tomi di Historio dil meza tero. En 1917, kande esis en hospitalo pro morbo prenita dum l'Unesma mondomilito, Tolkien komencis skribir altra poemi qua esus la centro dil precipua historii di La Silmarillion qua pose konvertus su en prozajo.
En 1953 publikigis la poemo "La riveno di Beorhtnoth, filiulo di Beorhthelm", qunkam ja esis finita ek 1945. Skribita en aliteraca verso, esas kontinuado dil nefinit ancien Angliana poemo La Maldon-batalio.
