Jefferson City, Missouri

Jefferson City
Jefferson City e rivero Missouri.
Standardo
Lando:	Usa
Stato:	Missouri
Informo:
Fondita ye:	1821
Latitudo:	38°34'36" N
Longitudo:	92°10'25" W
Altitudo:	192 m
Surfaco:	97,51 km²
Habitanti:	43 228 (2020)
Denseso di habitantaro:	440 hab./km²
Disto de Washington DC:	1517 km
Horala zono:	UTC-6 (UTC -5 dum la somero)
Urbestro:	Ron Fitzwater
Mapo:
Oficala retosituo:
www.jeffersoncitymo.gov

Kirko di Santa Petrus (Saint Peter) en Jefferson City.

Jefferson City esas chef-urbo di Usana stato Missouri. Segun la demografiala kontado di 2020, ol havis 43 228 habitanti. Lua tota surfaco esas 97,51 km², equivalanta a 37,65 mi², di qui 93,38 km² (36,05 mi²) esas lando, e la cetera esas aquo.

Jefferson City esas sideyo di komtio Cole, ma parto dil urbo jacas che komtio Callaway, ank en Missouri.

Historio

Kande Europani unesme venis a la regiono, indijeni de raso Osage habitabis ol. Jefferson City nomesis pro la triesma prezidanto di Usa, Thomas Jefferson, e divenis chef-urbo en 1821. Til lore Jefferson City nomesis Lohman's Landing. En 1839 ol enkorpigesis kom urbo.

Demografio

Historiala edifico en Jefferson City.

Segun la demografiala kontado di 2010, esis 43 079 individui, 17 278 hemanari e 9 969 familii qui rezidis en la urbo. La denseso di habitantaro esis 1198,3 habitanti po km/² (462,7 hab. po mi²). Existis 18 852 domi, kun mezavalora denseso di 202,5 hab. po km². Segun raso, esis 78% Blanki, 16,9% Negri od Afrikan-Usani, 0,3% indijeni Amerikana, 1,8% Aziani, 0,1% Pacifik-insulani, 0,8% de altra rasi, e 2,2% de du o plura rasi, e 2,6% de la habitanti esis Hispan-Amerikani o Latin-Amerikani de irga raso.

De la 17 278 hemanari, 28,8% havis pueri evante min kam 18 yari rezidanta, 41,6% esis mariajita pari qui habitis kune; en 12,4% la domo-chefo esis muliero sen spozulo, 3,7% habitesis da viro sen spozino, e 42,3% esis ne-familii. En 36,2% de omna hemanari habitis sola individuo, e 11,5% habitesis da sola individuo evante 65 yari o pluse. La mezvalora grandeso po hemanaro esis 2,21 e la mezvalora grandeso po familio esis 2,89 personi.

En 2010, la procento di habitanti segun evo esis: 20,9% evanta min kam 18 yari, 10,3% evanta de 18 til 24 yari, 28,6% evanta de 25 til 44 yari, 26,8% evanta de 45 til 64 yari, e 13,4% evanta 65 yari o pluse. La mezvalora evo dil habitantaro esis 37,5 yari. La habitantaro konsistis ek 51,2% viri e 48,8% mulieri.

Altri

• L'edifico di la prefekteyo kontstruktesis en 1917 segun stilo di Italiana Renesanco.
• Statuo en la tekto dil edifico esis deino Ceres.