Tallahassee, Florida

De Wikipedio
Tallahassee, Florida
Kelk imaji pri Tallahassee.
Standardo Blazono
Lando: Usa
Stato: Florida
Informo:
Latitudo: 30°27'18" N
Longitudo: 84°15'12"W
Altitudo: 62 m
Surfaco: 271,27 km²
Habitanti: 196 169 (2020)
Denseso di habitantaro: 743,64 hab./km²
Horala zono: UTC-5
(UTC -4 dum la somero)
Urbestro: John Dailey (D)
Mapo di Tallahassee, Florida
Oficala retosituo:
www.talgov.com

Tallahassee esas la chef-urbo dil Usana stato Florida. Segun la demografiala kontado di 2020, ol havis 196 169 habitanti. Lua tota surfaco esas 268,39 km². Lua metropolala regiono havis 379 627 habitanti en 2016.

Ol divenis chef-urbo di Florida en 1824. L'urbo esas sideyo dil universitato Florida State, qua judikesas kom la 33ma maxim bona universitato de Usa.

Geografio[redaktar | redaktar fonto]

Botanika gardeno Alfred B. Maclay Gardens

Segun Usana Kontado-Ministerio, Tallahassee havas entote 271,27 km², equivalanta a 104,74 mi², di qui 263,8 km² (101,85 mi²) esas lando e 7,47 km² (2,89 mi²) esas aquo. La reliefo dil urbo esas kelke kolinoza, kompare altra regioni de Florida. Lua mezavalora altitudo esas 62 metri. Lua maxim alta punto esas la kolino ube jacas l'edifico di statal asemblo.

La klimato dil urbo esas humida subtropikala (Cfa segun la klimatala klasifikuro da Köppen). La mezavalora temperaturo en januaro (vintro) esas 11,2°C, kontre ke la mezavalora temperaturo en julio (somero) esas 28,1°C. La maxima temperaturi dum la somero esas plu alta ibe kam en la peninsulo di Florida. Altralatere, dum la vintro lua temperaturi esas plu kolda, e mem povas falar infre 0°C dum kelka dii. Tamen, rare nivis dum la historio dil urbo. Dum tale nomizita "granda nivegoza tempesto" di 1899, la temperaturo falis til -19°C, la maxim basa temperaturo ulatempe enrejistrita en Tallahassee.

La pluvoza sezono iras de junio til setembro, quankam nulatempe existas sika sezono. La mezavalora yarala pluvo-quanto esas 1494 mm, e la maxim pluvoza monato esas agosto, kun mezavalore 193 mm.

Demografio[redaktar | redaktar fonto]

Segun la demografiala kontado di 2000, esis 150,624 homi, 63,217 hemanari, e 29,459 familii qui rezidis en la urbo. La denseso di habitantaro esis 607.6/km² (1,573.8/mi²). Esis 68,417 domi kun mezvalora denseso di 276.0/km² (714.8/mi²). Segun raso, esis 60.42% Blanki, 34.24% Negri od Afrik-Usani, 0.25% indijeni Amerikana, 2.40% Aziani, 0.05% Pacifik-insulani, 0.97% de altra rasi, e 1.67% de du o plura rasi, e 4.19% de la habitantaro esis Hispan-Amerikani o Latin-Amerikani de irga raso.

Esis 63,217 hemanari, di qui 21.8% havis pueri od adolecanti evante min kam 18 yari en la domo, 30.1% esis mariajita e habitis kune; en 13.2% muliero sen spozulo esis la domo-chefo, e 53.4% esis ne-familii. En 34.7% de omna hemanari vivis unika sola individuo, e 6.0% habitesis da ulu evante 65 yari o pluse qua vivis sole. La mezvalora grandeso po hemanaro esis 2.17 personi e la mezvalora grandeso po familio esis 2.86 personi.

La procento di habitanti segun evo esis: 17.4% sub l'evo di 18, 29.7% de 18 til 24 yari, 27.9% de 25 til 44 yari, 16.8% de 45 til 64 yari, e 8.2% evante 65 yari o pluse. La mezvalora evo esis 26 yari. Por singla 100 mulieri esis 89.5 viri. Por singla 100 mulieri evante 18 yari o pluse esis 86.7 viri.

La mezvalora revenuo po hemanaro en la urbo esis $30,571, e la mezvalora revenuo po familio esis $49,359. La mezvalora revenuo por la viri esis US$ 32 428,00 kontre US$ 27 838,00 por la mulieri. La revenuo per capita por l'urbo esis US$ 18 981,00. Vivis sub la povreso-lineo 24.7% de la habitantaro e 12.6% de la familii. Ek omna habitantaro evante min kam 18 yari, 21.6% ed ek omna habitantaro evante 65 yari o pluse, 8.4% vivis sub la povreso-lineo.

Extera ligili[redaktar | redaktar fonto]


Chef-urbi di Usana stati

AlabamaAlaskaArizonaArkansasConnecticutDelawareFloridaGeorgiaHavayiIdahoIllinoisIndianaIowaKaliforniaKansasKentuckyKoloradoLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNordal KarolinaNordal DakotaNova-HampshireNova-JerseyNova-MexikiaNova-YorkOhioOklahomaOregonPensilvaniaRhode IslandSudal KarolinaSudal DakotaTennesseeTexasUtahVermontVirginiaWashingtonWestal VirginiaWisconsinWyoming