John Balliol

De Wikipedio
Irez ad: pilotado, serchez
John Balliol e spozino

John Balliol (naskis c. 1249; mortis 25 di novembro 1314 ye Pikardia) esis rejo di Skotia de 1292 til 1296.

Ye 17 di novembro 1292 John Balliol divenis rejulo di Skotia. Il selektesis de plura kandidati por l’ofico, qua esis vakanta depos la morto di Margaret, evante sep yari, en 1290. John esis decendanto di rejulo David 1ma di Skotia (regnis 11241153). La arbitranto di ca selektala proceduro esis rejulo Edward 1ma di Anglia, qua expektis, ke la nova rejo esos quaza vasalo dil Angla rejo. John Balliol esis kompromisata; plura Skota chefi rebelesis kontre la dominaceso di Anglia, ed Angla armei revanchante invadis Skotia. Il abdikis en 1296, e la naciono havis nula rejo til ke Robert Bruce divenis rejulo en 1306.

Pos periodo di enkarcerigo, on permisis ad il irar a Francia en 1299. De 1301 til morto il rezidis ye la ancestrala domeno di sua familio en Pikardia.