Jurasal-epoko
Jurasal-epoko o Juraso esis geologial epoko qua plulongigis su de 199.6 ± 0.6 til 145.5 ± 4 milioni di yari ante nun, de fino di Triasik-epoko til la komenco di Kretal-epoko. La nomo "Juraso" originis de la regiono dil monti Jura, an la frontiero inter la nuna Francia, Suisia e Germania. Alexander von Humboldt agnoskis kelka roki di kalkopetro che la monti Jura qui originis dum ta geologial epoko.
Dum ta epoko, superkontinento Pangea dividis su en du: nordala superkontinento Laurasia e sudala kontinento Gondwana. Gulfo di Mexikia e la nuna peninsulo di Yukatan formacesis. La lando habitesis da dinosauri. Koniferi esis la dominacanta vejetantaro dum ta epoko.