Kick-boxing

De Wikipedio
Irez ad: pilotado, serchez
Kombato di kick-boxing
German Open 2010

Kick-boxing esas Angla termino deskriptiva por milital arti qua, quankam simila a boxo, uzas la pedi e anke la manui por frapar. Kick-boxing povas esar praktikesar por saneso generala, o kom kombat-sporto. La vorto kick-boxing reprezentas grupo di diciplini o kombat-sporti qua uzas la pedi e la pugni. Partikulare, kick-boxing esas un de la diciplini di boxe pieds-poings qua developesis unesme da la Japoniani e pose da la Usani. Esas diferanta speci di kick-boxing, plu populara formo esas un ube ped-frapi permisesas nur vers kapo e torso.

En la mezo del yari 1960, la Japoniano Kurosaki, qua entrenis en Karate Kyokushinkai, voyajis a Siam deskovranta la fako di boxo Siamana. Pos ilua retorno al Japonia decidis a kombinar ilua tekniki di karate kun ici di boxo Siamana, eliminanta kud-frapi (la Usani anke eliminis genu-frapi), tale nova sporto apelata "kick-boxing" naskis.

Inter la ne-Japoniani qua ganis plu sucesi, egardo partikulara devas donesar a Franco Christian Guillaume qua en 1969 ganis quar vinki e du remisi; e Usano Benny "The Jet" Urquidez qua en 1977 batis Tatsuyuki Suzuki en quar rondi.

En 1973 Urquidez e Howard Hanson kreis la WKA (World Karate Association), chanjanta pos yari la "K" di karate por ica di kick-boxing.

Maxim notora championi esas Rob Kaman, Benny Urquidez, Dennis Alexio, Ernesto Hoost, e Marek Piotrowski.

Reguli[redaktar | edit source]

La pugn-frapi e ped-frapi permisesas por super la tayo, la sweepings e la low kicks (ped-frapi al kruro) permisesas.

La kombati "amatorala" esas duktata en tri rondi, e la profesionala duras 5 rondi; 10 en championo-konkursi di Europa e 12 en la championo-konkursi del mondo, kun temp-duimo (pauzo) di un minuto inter rondi.

La ped-frapi al kruro (low kick) ordinare decidas super la difero en la kombati.

Equipilo[redaktar | edit source]

Pantaloni (longa o kurta), boxala ganti e protekt-equipilo por la denti e por la organi genitala; en la femina kombati, femini devas anke portar protekt-equipilo di pektoro e boti (ne postulata en la kombati profesionala).

Mashi extera[redaktar | edit source]