Pedro 1ma di Brazilia e 4ma di Portugal

Pedro 1ma di Brazilia e 4ma di Portugal
Rejulo di Brazilia
Periodo di guvernerio:	de 12 di oktobro 1822 til 7 di aprilo 1831
Precedanto:	ne havis (nedependeso)
Sucedanto:	Pedro 2ma di Brazilia
Rejulo di Portugal
Periodo di guvernerio:	de 10 di marto til 28 di mayo 1826
Precedanto:	João 6ma di Portugal
Sucedanto:	Maria 2ma di Portugal
Nasko-dio:	12 di oktobro 1798
Nasko-loko:	Queluz-palaco, Sintra, Portugal
Morto-dio:	24 di septembro 1834
Morto-loko:	Queluz-palaco, Sintra, Portugal
Spozo:	Maria Leopoldine di Austria Amelia de Leuchtenberg

Pedro 1ma di Brazilia, pose anke Pedro 4ma di Portugal (Pedro de Alcântara Francisco Antônio João Carlos Xavier de Paula Miguel Rafael Joaquim José Gonzaga Pascoal Cipriano Serafim de Bragança e Bourbon) naskis ye 1798, mortis ye 1834.

Lu esis Portugalana princo, filiulo di rejulo João 6ma di Portugal. En 1807 la rejala familio, inkluzanta yuna Pedro, fugis invadanta Franca trupi, a Brazilia.

En 1821, kande João retroiris a Portugal qua minacesis da revoluciono, Pedro divenis regento en Brazilia. Pedro deziris ke Brazilia esez nedependanta. Tamen la Portugalana parlamento, preferante ke ol esez kolonio, postulis ke Pedro irez a Portugal. Refuzante, il deklaris la nedependeso di Brazilia ye 7 di septembro 1822 ed esis kronizita ye 1 di decembro kom unesma imperiestro di lando.

Ilu anke recevis la titulo Pedro 4ma di Portugal, inter 26 di aprilo e 2 di mayo 1826, pos la morto di lua patro, rejulo João 6ma.

Pos kelka yari kom imperiestro lua populareso diminutis. La parlamento di lando opozis il e la populo revoltis. Pedro guvernis Brazilia de 1822 til 7 di aprilo 1831 kande il abdikis.

Depos renunco de Braziliana trono, Pedro rivenis a Portugal e postulis Portugalana krono por lua filiino, Maria 2ma. Ma lua fratulo, Miguel, ne aceptis lo, e komencis milito inter li. Pedro vinkis, ed riestablisis Maria kom rejino.

Pedro mortis ye 24 di septembro 1834 pro tuberkloso.

Precedanto João 6ma di Portugal (kom rejulo di Portugal, Brazilia ed Algarve)

Imperiestro di Brazilia 1822 til 1831

Sucedanto Pedro 2ma