Platon

De Wikipedio
Ica artiklo bezonas revizo gramatikala. – Ka vu povas helpar ni revizar ica artiklo?
Platon
Okupeso: Filozofo, instruktisto
Lando: Grekia
Naskodato: 7 di mayo 427 BC, 21 di mayo 429 BC, 420a yardeko aK
Nasko-loko: Athina (Grekia)
Mortodato: 346 BC, 340a yardeko aK
Morto-loko: Athina (Grekia)

Platon esis filozofo del anciena Grekia. Ilu vivis de 427 aK til 347 aK. Ilu esis dicipulo di Sokrates, e pose docisto di Aristoteles. Platon skribis pri multa temi filozofiala qui duras esar debatebla. Fakte, moderna filozofo Alfred North Whitehead dicis ke omna filozofio pos Platon esas simple komenti pri lua skribaji.

Platon fondis skolo en Athina, l'Akademio. De ta la moderna vorto "akademio" venas.

Il ofte verkis sua pensaji en la formo di dialogi, qui apertenas a la maxim bona literaturo filozofiala, pro ke Platon esis splendida dramaturgo. Sokrates ofte esas la protagonisto en ta dialogi.

En lua verko "La Republiko" (Greka Πολιτεία, politeía) skribita en formo di dialogo kun Sokrates, ilu ponderis pri quale esus la urbo-stato ideala: segun Platon, ol mustis dividesar en tri, por la tri (sociala) klasi: laboristi, militisti e la saji, qui mustus esar la guvernisti. La guvernisti mustus studiar filozofio, por deskovrar e savar quale esus la maxim bona kozi por la socio. Pro to on ofte nomas la guvernisti dil idealo di Platon "reji-filozofi". Por la klasi di militisti e di guvernisti la proprieto mustus esar komuna. Segun Platon, sen havar individuala posedaji, militisti e guvernisti ne havus "amo a la richeso" - kauzo, segun ilu, di multa ne-yustaji.

Il partigis l'anmo en tri parti: konoco, emoco ed impulso. L'anmo esas nemortiva, segun lu.

Citajo[redaktar | redaktar fonto]

L'anmo dil homo esas nemortiva e neperisema.
 Precipua artiklo: Platonismo