Roh Tae-woo

De Wikipedio
Irez ad: pilotado, serchez
Roh Tae-woo
Roh Tae-woo - cropped, 1989-Mar-13.jpg

Prezidanto di Flag of South Korea.svg Sud-Korea
Periodo di guvernerio: de 25 di februaro 1988 til 25 di februaro 1993
Precedanto: Chun Doo-hwan
Sucedanto: Kim Young-sam

Personal informi
Nasko-dio: 4 di decembro 1932
Nasko-loko: Daegu, Sud-Korea
Spozo: Kim Ok-suk
Profesiono: militestro e politikistulo
Politikala partiso: Hannara Dang

Roh Tae-woo (n. 4 di decembro 1932 en Daegu, Sud-Korea) esis Koreana generalo e politikisto. Il esis prezidanto di lando de 1988 til 1993.

Amiko di ex-generalo e prezidanto Chun Doo-hwan de skolo, Roh anke esis militisto. Kande Chun esis prezidanto, Roh selektesis da la ex-generalo por sucedar li kom prezidanto, igante granda demokratiala movementi en Seoul ed altra urbi ye 1987. Respondante, Roh asentis pri havar elekto demokratiala. Opozanti votis a du simila kandidati Kim Young-sam e Kim Dae-jung, fendante la voto e facante Roh l'unesma prezidanto elektita demokratiale pos la militala regno en Sud-Korea. La du opozante pose divenis prezidanti di lando.

Dum la guvernisteso di Roh, okuris l'Olimpiala Ludi en Seoul, 1988. Il anke stimulis diplomacala relati di Sud-Korea kun Populala Republiko di Chinia e Sovietia, por izolar Nord-Korea.

Pos divenar prezidanto ye 1993, la sequanta prezidanto Kim Young-sam akuzis Roh e Chun pro suborno. Pose la du prezidanti akuzesis anke pro sedicio e trahizo ed anke pro lia roli en la stato-stroko di 1979 e Gwangju masakro ye 1980.

Amba trovesis kulpabla ye augusto 1996 pri trahizo, sedicio e korupto; Chun recevis la peno di morto, qua pose chanjis a vivo en karcero, e la periodo di karcero por Roh di 22.5 yari mikresis a 17 yari pos apelo. Li ambe retrovenis de karcero ye 1998.

Precedanto
Chun Doo-hwan
Prezidanto di Sud-Korea
1988 til 1993
Sucedanto
Kim Young-sam