Olimpiala Ludi en Seoul, 1988

L'Olimpiala Flago.

L'Olimpiala Ludi en Seoul, 1988, oficale 24ma Olimpiala Ludi, esis internaciona poli-sportala konkurso qua eventis en 1988 en Seoul, Sud-Korea. Esis la duesma foyo ke l'Olimpiala Ludi eventis en Azia, l'unesma esis en Tokyo, Japonia en 1960.

La Ludi komencis ye 17 di septembro e finis ye 2 di oktobro 1988, ed ol esis partoprenita da 8.391 atleti (6.197 viri e 2.194 mulieri) de 160 olimpiala komitati. Esis 263 eventi de 26 sporti.

Selekto dil urbo [redaktar]

Olimpiala Stadio di Seoul, apud Han fluvio.

Ye 30 di septembro 1981 en Baden-Baden, West-Germania, elektesis la eventeyo di L'Olimpiala Ludi ye 1988. Seoul ganis la disputo kontre Nagoya, en Japonia.

Kandidata urbi por Olimpiala Ludi 2000: rezulti
Urbo	1ma baloto
Seoul	52
Nagoya	27

Kelka fakti [redaktar]

L'Olimpiala torcho.

Nord-Korea, Albania, Kuba, Madagaskar e Seycheli boikotis l'Olimpiala Ludi.
Aruba, Usana Samoa, Cook-Insuli, Guam, Maldivi, Vanuatu, Santa Vincent e Grenadini e Sud-Yemen partoprenis partoprenis de l'Olimpiala Ludi por unesma foyo. Brunei anke partoprenis por unesma foyo, ma sendis nur 1 natisto.
Sovietian atleto Vladimir Artemov ganis 4 medalii en gimnastiko^[1]. Gimnastikino Daniela Silivaş de Rumania ganis tri.^[2]
Kanadana atleto Ben Johnson ganis 100 metri kuro, ma esis desqualifikita pos probo kontre dopado. Johnson akuzas André Jackson^[3], amiko de lia rivalo Carl Lewis, por pozar la dopado-substanco en lia nutrajo o drinkajo.^[3]
Usan atletino Florence Griffith Joyner ganis tri ora medalii por kurado (en 10.62 sekundi) e 200 metri kurado (en 21,34 sekundi) ed establisis du mondala rekordi por mulieri ke restas til nun. Pos l'Olimpiala Ludi el anuncis elua retreto de konkursi.^[4].
Kanadana maristo Lawrence Lemieux esis en duesma placo e povus ganar la kontesto di seglo-bateleto, ma abandonis la kontesto por sparar vundita konkursanto. Ilu arivis en 21ma placo, ma ganis la Medalio Pierre de Coubertin, por demonstrar sportala spirito.^[5]
Anthony Nesty, natistulo de Surinam, ganis l'unesma ora medalio por lia lando pos vinkar la 100 metri stilo papiliono kontesto, e superesar la favorato, Usana Matt Biondi per 0.1 sekundo.
Okuras demonstrado di judoo* por mulieri por unesma foyo en l'Olimpiala Ludi.^[6]
Natistino Kristin Otto de Est-Germania ganis 6 ora medalii.
Tabloteniso divenis olipiala sporto. Populala Republiko di Chinia ganis en duopla por viri e singla por mulieri, e Sud-Korea ganis en singla por viri e duopla por mulieri.^[7]
Teniso divenis nove olimpiala sporto, pos 64 yari. Steffi Graf, championino en 4 Grand Slam, vinkis Gabriela Sabatini e ganis ora medalio.^[8]
En lua lasta partopreno en Olimpiala Ludi, Sovietia ed Est-Germania ganis plu medalii kam Usa.

Medalii ganita [redaktar]

Pirotekno en la ceremonio di klozado di Ludi.

Yen la listo di landi qua recevis adminime 1 medalio en Seoul, 1988.

Totali		241	234	264	739
#	Lando	Ora	Arjenta	Bronza	Entote
1	Sovietia	55	31	46	132
2	Est-Germania	37	35	30	102
3	Usa	36	31	27	94
4	Sud-Korea	12	10	11	33
5	West-Germania	11	14	15	40
6	Hungaria	11	6	6	23
7	Belgia	10	12	13	35
8	Rumania	7	11	6	24
9	Francia	6	4	6	16
10	Italia	6	4	4	14
11	PR Chinia	5	11	12	28
12	Unionita Rejio	5	10	9	24
13	Kenia	5	2	2	9
14	Japonia	4	3	7	14
15	Australia	3	6	5	14
16	Yugoslavia	3	4	5	12
17	Chekoslovakia	3	3	2	8
18	Nova-Zelando	3	2	8	13
19	Kanada	3	2	5	10
20	Polonia	2	5	9	16
21	Norvegia	2	3	0	5
22	Nederlando	2	2	5	9
23	Dania	2	1	1	4
24	Brazilia	1	2	3	6
25	Finlando	1	1	2	4
25	Hispania	1	1	2	4
27	Turkia	1	1	0	2
28	Maroko	1	0	2	3
29	Austria	1	0	0	1
29	Portugal	1	0	0	1
29	Surinam	1	0	0	1
32	Suedia	0	4	7	11
33	Suisia	0	2	2	4
34	Jamaika	0	2	0	2
35	Arjentinia	0	1	1	2
36	Chili	0	1	0	1
36	Kosta Rika	0	1	0	1
36	India	0	1	0	1
36	Iran	0	1	0	1
36	Nederlandan Antili	0	1	0	1
36	Peru	0	1	0	1
36	Senegal	0	1	0	1
36	Virgin-Insuli Usana	0	1	0	1
44	Belgia	0	0	2	2
44	Mexikia	0	0	2	2
46	Kolumbia	0	0	1	1
46	Djibouti	0	0	1	1
46	Grekia	0	0	1	1
46	Mongolia	0	0	1	1
46	Pakistan	0	0	1	1
46	Filipini	0	0	1	1
46	Tailando	0	0	1	1