Seycheli

Repiblik Sesel République des Seychelles Republic of Seychelles Flago di Seycheli Blazono di Seycheli Chefurbo: Victoria ·Lojanti: 20.050 (2003) Precipua urbo: Victoria Oficala linguo: Kreolo di Seycheli, Franciana, Angliana Guvernerio: Republiko ·Prezidisto: James Michel Surfaco: (197ma granda) ·Totala: 451 km² ·% aquo: neglijebla Lojanti: (195ma granda) ·Totala: 84.000 (2009) ·Lojanto-denseso: 186,2 loj./km² Nacionala himno: Koste Seselwa Pekunio: Rupio di Seycheli Reto-kodo: .sc Precipua religio: kristanismo, 96,9%

Seycheli esas lando ed arkipelago qua jacas en Indiana oceano est-Afrika ed norda di Madagaskar ed Maurico.

Bazala fakti pri Seycheli

Historio

Ye 1502 Portugalana explorero Vasco da Gama vidis la insuli e nomizis ol Amirantes. Ye 1609 Angliana komercala floto perdita en Indiana oceano da un tempesto trovis l'insuli kun abundanta aquo, fishi, kokosi, uceli e tortugi. Navanari relatis la deskovro, ma Anglia donis nulo por koloniigar lu.

Franciani esis l'unesma koloniisti di Seycheli ye 1742. La komenco di Sep-yara milito rimemorigis l'autoritati en Maurico pri l'insuli Seycheli. Ye 1790 kom rezulto di Franciana Revoluciono koloniisti formis koloniala asemblajo, e decidis ke li propra administrabus la kolonio. Jean-Baptiste Queau de Quincy esis lasta Franca administristo ed, ye 1794, Britanii okupis la teritorio.

Nur ye 1903 Seycheli divenis kolonio di la krono. Ernest Bickham Sweet-Escott divenis lua unesma guverniestro. Dum kelka tempo, Unionita Rejio uzis l'insuli kom kolonio por exilar desagreabla karcerani. Un di maxim notora esis arkiepiskopo Makarios, de Chipro.

Seycheli divenis nedependanta de Unionita Rejio ye 29 di junio 1976. James Mancham esis lua unesma prezidisto, ma ye 1977 il esis renversita de povo da stato-stroko e remplasita da France Albert René. Konstituco adoptita ye 1979 deklaris lando socialista stato, qua lastis til 1991.

Politiko

Seycheli esas prezidantala republiko. La chefo di stato e la chefo di guvernio esas la prezidisto, elektata da populo por 5-yara periodo. Nune esas James Michel.

La parlamento havas 1 chambro: Assemblée Nationale, kun 34 membri - 25 elektita da populo, 9 indikatas per partisi.

Geografio

Mapo di Seycheli.

Seycheli esas arkipelago kun 115 insuli. Ol jacas cirkum 1,600 km esto de Keniana litoro. Lua klimato esas humida, ed yarala pluvo varias de 2,600 mm en Victoria til 3,600 mm en la bazo di monti.

Ekonomio

Videz anke: Ekonomio di Seycheli.

Demografio

Victoria, chef-urbo di Seycheli..

Kande Britaniani konquestis Seycheli, li permisis Franciani konservar lia landi. Britaniani e Franciani uzis sklavi en lia farmeyi, e malgre Britania interdiktis sklaveso ye 1835, la regiono kontinuis recevar sklavi. Do, Gran'bla ("granda blanki") kontinuis dominacar la richeso e politikala vivo di la regiono.

Kom l'insuli ne havis indijena populo, lua nuna habitanti originas de mixuri di personi ke enmigris vers ol. La precipua grupi decendas de Afrikani, Franciani, Indiani e Chiniani.

Preske 90% di populo habitas Mahé, la maxim granda insulo, ube jacas la chef-urbo, Victoria.

Kulturo

La societato di Seycheli esas esence matriarkala. Matri tendencas a dominacar en familio, kontrolar ordinara spensi, e kontrolar l'interesi di pueri. Viri esas importanta por lia habileso en verkar en salariata labori ma lia influo en domestika aferi esas poka.

La muziko di Seycheli esas diversa kun multipla influi, inkluze di Europana stili kontradanso, polko e mazurko, plu "sega" de Maurico e Reunion, "taarab", "soukous", ed altra Afrikana generi.