Lesotho

De Wikipedio
Irez ad: pilotado, serchez
Muso oa Lesotho
Kingdom of Lesotho
Flag of Lesotho.svg Coats of arms of Lesotho.svg
Flago di Lesotho Blazono di Lesotho
Mapo di Lesotho
Chefurbo: Maseru
·Habitanti: 169,554 (2003)
Oficala linguo: Sesoto, angliana
Guvernerio: Monarkio
·Rejo: Letsie 3ma
·Chefa ministro: Pakalitha Mosisili
Surfaco: (140ma granda)
·Totala: 30,355 km²
·% aquo: neglijebla
Habitanti: (146ma granda)
·Totala: 1,795,000 (2005)
·Lojanto-denseso: 59 hab./km²
Nacionala himno: Lesotho Fatse La Bontata Rona
Pekunio: loti
Reto-kodo: .ls
Precipua religio: kristanismo (91%)

Lesotho esas lando qua jacas en sudo di Afrika. Ol esas enklavo en Sud-Afrikana teritorio.

Bazala fakti pri Lesotho.

Historio[redaktar | edit source]

Exquisite-kfind.png Videz anke: Historio di Lesotho.

Unesma habitanti di nuna Lesotho esis Khoisan populi, substitucita da Bantu populi dum la Bantu expanseso. Unesma rejulo di moderna Lesotho esis Moshoeshoe I, qua regnis de 1822 til 1870.

Unionita Rejio transformis Lesotho en protektorato ye 1884, e donis lu la nomo Basutolando, konservita til la nedependeso. Lesotho divenis nedependanta de Unionita Rejio ye 4 di oktobro 1966 kom monarkio, kun Moshoeshoe 2ma kom rejio.

Ye 1970 la partiso Basotho National Party (BNP) perdis l'unesma elekto pos nedependeso. Basutoland Congress Party ganis 36 reprezentisti en la parlamento kontre 23 de BNP. Chefa ministro Leabua Jonathan ne aceptis la rezulto, ed enkarcerigis la chefo di BCP. On komencis militeto-ataki kontre la guverno. Leabua Jonathan guvernis de facto til 1986 kande militarala stato-stroko renversis il. Militisti donis povo a la rejulo Moshoeshoe 2ma qua, ta epoko, nur havis ceremoniala autoritato. Ma kande la rejulo deziris plu povi, militisti forcis il a abdikar, e lia filiulo Letsie 3ma divenis rejulo.

Politiko[redaktar | edit source]

Lesotho esas konstitucala monarkio. La chefo di guvernerio esas la chefa ministro, qua havas exekutiva autoritato. Nune esas Pakalitha Mosisili. La rejo, pos 1996 Letsie 3ma, nur havas ceremoniala autoritato e ne povas exercar influi en la politiko.

La parlamento havas 2 chambri: Senato, kun 33 membri, e Nacionala Asemblajo (National Assembly), kun 120 membri.

Geografio[redaktar | edit source]

Peizajo di Lesotho.

Teritorio di Lesotho - 30 355 km² - esas tote cirkondata da Sud-Afrika. Lesotho esas l'unika lando di mondo qua jacas tote super 1000 metri di altitudo. Lua maxim basa punto jacas 1400 metri super la mar-nivelo. La maxim alta monto, Thabana Ntlenyana, jacas 3 482 metri super la mar-nivelo.

Lua klimato esas plu kolda kam altra regioni en sama latitudo. En alta monti povas okurar nivo.

Ekonomio[redaktar | edit source]

Exquisite-kfind.png Videz anke: Ekonomio di Lesotho.

L'ekonomio di Lesotho dependas precipue de l'exportacajo di diamanto por tota mondo, ed anke aquo por Sud-Afrika, plu la industrio, agrokultivo e l'edukado di kapri e boviari.

Demografio[redaktar | edit source]

Evalui indikas ke 29% di Lesotho-populo havas AIDS. Quale rezultajo, aktuala viv-espero esas 48-yara (viri) e 56-yara (mulieri).

La precipua urbo esas Maseru. Altra urbi esas Maputsoe e Teyateyaneng.

Kulturo[redaktar | edit source]

Cetera aferi[redaktar | edit source]

Commons
Commons havas kontenajo relatante a:



Nedependanta stati en Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando