Eritrea

ሃገረ ኤርትራ Hagere Ertra دولة إرتريا Dawlat Iritriya Flago di Eritrea Blazono di Eritrea Chefurbo: Asmara ·Lojanti: 563.948 (2005) Precipua urbo: Asmara Oficala linguo: ne havas. Tigrinya ed Arabiana esas de facto. Guvernerio: Republiko ·Prezidisto: Isaias Afewerki Surfaco: (100ma granda) ·Totala: 117.600 km² ·% aquo: 0,14 Lojanti: (109ma granda) ·Totala: 5,224,000 (2009) ·Lojanto-denseso: 43,1 loj./km² Nacionala himno: Ertra, Ertra, Ertra Pekunio: Nafka Reto-kodo: .er Precipua religio: kristanismo, 50,5%, Islamo, 44,7%

Eritrea esas lando qua jacas en est-Afrika. Lua vicina landi esas:

• en sudo: Djibuti ed Etiopia
• en westo: Sudan

En nordo ed en esto jacas la Reda maro.

Bazala fakti pri Eritrea:

Historio

La regiono di nun Eritrea esis konocita kom rejio di Punt da anciena Egiptiani, e ja esis mencionita en hieroglifi 25 yarcenti aK. Ol esis sucedante okupita da Egiptiani, Otomani e Britaniani. Ye 1869 pos Suez-kanalo inaugureskis, Italia invadis Eritrea e transformis ol en oficala kolonio ye 1 di januaro 1890. Ye 1936 ol divenis parto di Italian Est-Afrika, kun Etiopia e Somalilando.

Cirkum 1941 Eritrea havis 760,000 lojanti, inkluze 70,000 Italiani. Etiopiani e Britaniani ekpulsis Italiani sam yaro, ma la regiono restis protektorato di Unionita Rejio. Pos duesma mondo-milito Eritrea societis kun Etiopia, e divenis Etiopiana provinco ye 1952.

Milito kontre Etiopia duris 30 yari, e finale pos un referendo inspektita da Unioninta Nacioni kun 99,83% favorebla a la nedependeso, Eritrea ganis autonomeso en la yaro 1993.

Politiko

Eritrea esas prezidantala republiko, guvernata da singla partiso. La chefo di stato e la chefo di guvernerio esas la prezidisto, nune Isaias Afewerki, elektita da la 150 membri di parlamento ye 1993.

La parlamento havas 1 chambro: Hagerawi Baito, kun 150 membri.

Ye 1996 lua konstituco esis ratifikita, ma ne esis adoptita til nun.

Geografio

Topografiala mapo di Eritrea.

Lando esas dividita en du parti da depresuro e du montari qua formas la Granda Valo di Rift. Ol havas 2,234 km di litoro, di qui 1,151 km en kontinento e 1,083 km en insuli en Reda maro. Lua maxim alta monto esas Soira, kun 3,018 metri di altitudo.

Lua klimato esas dezerto alonge litoro, e plu pluvoza - til 610 mm yarala - en montala regioni. Asmara, la chef-urbo, jacas 2,400 metri sur mar-nivelo.

Lando havas 6 provinci:

1. Gash-Barka (Agordat)
2. Debubawi (Assab)
3. Maakel (Asmara)
4. Semenani Kayih Bahri (Massawa)
5. Anseba (Keren)
6. Debub (Adi Ugri)

Ekonomio

Videz anke: Ekonomio di Eritrea.

Preske 80% di labor-povo di Eritrea dependas di familiara agrokultivo.

Demografio

De nedependeso til nun, Eritrea mem ne havis demografiala kontado. Malgre ta, on kalkulas ke cirkum 60% di populo esas Tigrinya. Populo parolas multa lingui, ma Tigrinya ed Arabiana esas la precipua. Angliana ed Italiana anke esas komprenata.

La maxim granda urbo esas la chef-urbo, Asmara. Altra importanta urbi esas Assab e Keren.

Kulturo

Tunelo por treni en Eritrea.

Futbalo e ciklismo esas la maxim populala sporti di lando.