Maurico

Republic of Mauritius Flago di Maurico Blazono di Maurico Chefurbo: Port Louis ·Lojanti: 147.688 (2003) Precipua urbo: Port Louis Oficala linguo: Angliana Guvernerio: Republiko ·Prezidisto: Anerood Jugnauth ·Chefa ministro: Navinchandra Ramgoolam Surfaco: (179ma granda) ·Totala: 2.040 km² ·% aquo: 0,05 Lojanti: (151ma granda) ·Totala: 1.288.000 (2008) ·Lojanto-denseso: 631,4 loj./km² Nacionala himno: Motherland Pekunio: Rupio di Maurico Reto-kodo: .mu Precipua religio: hinduismo 44%, kristanismo 32,6%, islamo 16,9%

Maurico esas arkipelago e stato en sudesto di Afrika en Indiana oceano, inter Madagaskar, Seycheli ed Reunion.

Bazala fakti pri Maurico.

Historio

Maurico esis konocita depos 10ma yarcento da Arabiana maristi. Portugalani esas l'unesma Europani qua vizitis l'insuli, ye 1507. Ye 1598 unesma Nederlandani aparis ed, ye 20 di septembro sam yaro, li nomizis l'insulo Prins Maurits van Nassaueiland (Insulo di Princo Mauritius, origino di nuna nomo "Maurico") en homajo a Nederlandana princo Johan Maurits van Nassau-Siegen. Nederlandani komencis koloniigar l'insulo ye 1638 e finis koloniigo ye 1710.

Franciani okupis l'insulo ye 1710 til 3 di decembro 1810 kande Britaniani vinkis Franciana armeo en l'insulo ed okupis ol. Britana administro, qua komencis kun Robert Townsend Farquhar karakterizis su por rapida ekonomiala e sociala chanji. Un di la maxim importanta esis l'aboliso di sklaveso ye 1835. Agrokultivisti recevis du milioni di britana pundi kom indemni por la perdo di lua sklavi, importita de Afrika e Madagaskar dum Franca dominaco. Pos l'aboliso di sklaveso, Indiani enmigranti komencis arivar en l'insulo kom libera laboristi por substitucar sklavi.

Elekti ye 1947 por legifala asemblajo, vinkita da Labour Party, markizis la fino di dominacajo di Franca-parolanti en la politiko di l'insulo, e l'unesma pazo por futura nedependeso. La kampanio por nedependeso kreskis pos 1961, ed ye 12 di marto 1968 Maurico divenis nedependanta de Unionita Rejio. Ye 12 di marto 1992 lando divenis republiko.

Politiko

Maurico esas parlamentala republiko. La chefo di stato esas la prezidisto, nune Anerood Jugnauth. La chefo di guvernerio esas la chefa ministro, nune Navinchandra Ramgoolam.

La parlamento havas 1 chambro: Nacionala Asemblajo (National Assembly), kun 66 membri.

Geografio

Rodrigues Insulo, qua jacas 560 km nord-esto di Maurico, anke esas parto di lando.

Ekonomio

Videz anke: Ekonomio di Maurico.

Demografio

Mapo di Maurico kun lua precipua urbi.

Lando havis 1 264 867 lojanti ye 2007. Lua populo havas origini en Afrika, India, Francia e Chinia. L'oficala linguo esas Angla, ma parto di la populo parolas Franca o Mauricana kreolo. Franciana anke esas uzata en televiziono e jurnali. Cirkum 52% di la populo esas hinduisti, 28,4% esas katoliki e 16% esas islamo.

La maxim granda urbo esas la chefurbo, Port Louis. Altra importanta urbi esas Rose-Hill, Beau-Bessin, Quatre Bornes, Curepipe e Vacoas-Phoenix.

Kulturo

Mauricana koquoarto mixuras Indiana, Afrikana, Chiniana ed Europan influi. En literaturo, la maxim important autori esas Malcolm de Chazal, Ananda Devi, Raymond Chasle, Loys Masson, Marcel Cabon ed Edouard Maunick. Granda parto dil autori skribas en Franciana, Angliana o Bhojpuri lingui, ma autorulo Abhimanyu Unnuth skribas en hindi linguo.