Namibia

De Wikipedio
Irez ad: pilotado, serchez
Republic of Namibia
Flag of Namibia.svg Coat of arms of Namibia.svg
Flago di Namibia Blazono di Namibia
Mapo di Namibia
Chefurbo: Windhoek
·Habitanti: 233,529 (2001)
Precipua urbo: Windhoek
Oficala linguo: Angliana. Anke rikonocata: Afrikansa, Germaniana, Oshiwambo
Guvernerio: Republiko
·Prezidanto: Hifikepunye Pohamba
·Chefa ministro: Hage Geingob
Surfaco: (34ma granda)
·Totala: 825,418 km²
·% aquo: neglijebla
Habitanti: (142ma granda)
·Totala: 2,147,585[1] (2011)
·Lojanto-denseso: 2,5 hab./km²
Nacionala himno: Namibia, Land of the Brave
Pekunio: dolaro di Namibia
Reto-kodo: .na
Precipua religio: kristanismo 90%

Namibia esas lando en west Afrika sude di Angola, norde di Sudafrika ed este di Atlantiko.

Bazala fakti pri Namibia

Historio[redaktar | edit source]

Exquisite-kfind.png Videz anke: Historio di Namibia.

La sika teritorio di Namibia habitesis da bushmani, Damara e Nama populi, e pos 14ma yarcento da Bantuo populi. L'unesma Europani qua exploris la regiono di Namibia e Walvis Bayo esis Portugalani Diogo Cão ye 1485, e Bartolomeu Dias ye 1486, ma Portugal ne havis interesto en ica regiono, proxim la dezerto di Namib.

Dum 19ma yarcento, la regiono di nuna Namibia esis kolonigiita da Germaniani. Dum Unesma mondomilito, ol esis okupita da Sudafrika. Ta okupeso ne esis agnoskita da Unionita Nacioni pos duesma mondomilito. Ye 1946 Sudafrika refuzis abandonar sua okupeso. Kom responso, ye 1966 esis kreita SWAPO, organizuro dil populo di sud-west-Afrika. On komencis la lukto por nedependo. Lando oficale divenis nedependanta de Sudafrika ye 21 di marto 1990. Ye 1994, kun fino di apartheid, Sudafrika retrodonis Walvis bayo a Namibia.

Pos nedependo, Namibia sucese kompletis transfero di povo de blanka elito vers nigra majoritato e parlamentala demokratio. Transito di povo de Sam Nujoma pos 15 yari en povo vers Hifikepunye Pohamba okuris kalme.

Politiko[redaktar | edit source]

Namibia esas parlamentala republiko. La chefo di stato e chefo di guvernerio esas la prezidanto, qua elektesas dal populo por 5 yari e povas rielektar. Nune esas Hifikepunye Pohamba. La chefa ministro esas nur la chefo dil ministraro. Nune esas Hage Geingob. Lua konstituco, skribita da konstitucant asemblajo elektita direte da populo, adoptesis ye februaro 1990, kun Sam Nujoma kom lua unesma prezidanto.

La parlamento havas 2 chambri: Konsilantaro dil Naciono (National Council), kun 26 membri, e Nacionala Asemblajo (National Assembly), kun 78 membri.

Geografio[redaktar | edit source]

Namibia havas du granda dezerti: Kalahari e Namib. Kultivebla landi reprezentas nur 1% di teritorio di lando.

La chefurbo di lando, Windhoek, jacas en centro di lando. Altra importanta urbi esas Walvis Bay, Oshakati e Grootfontein.

Namibia havas 13 provincii:

  1. Caprivi
  2. Erongo
  3. Hardap
  4. Karas
  5. Kavango
  6. Khomas
  7. Kunene
  8. Ohangwena
  9. Omaheke
  10. Omusati
  11. Oshana
  12. Oshikoto
  13. Otjozondjupa

Ekonomio[redaktar | edit source]

Exquisite-kfind.png Videz anke: Ekonomio di Namibia.

Demografio[redaktar | edit source]

L'urbo di Windhoek.

Namibia havas la 2ma basa lojanto-denseso di mondo, pos Mongolia: 2,5 habitanti per km². Granda parto di populo partoprenas ad Ovambo rasala grupo.

Kulturo[redaktar | edit source]

Oficala linguo esas Angliana. Til 1990 oficala esis Germana ed Afrikansa. Duimo di la populo parolas Oshiwambo kom matra linguo.

Kristani reprezentas preske 90% de la habitantaro.

Referi[redaktar | edit source]

  1. The World Factbook - Namibia


Nedependanta stati en Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando