Ivora Rivo

République de Côte d'Ivoire Flago di Ivora Rivo Blazono di Ivora Rivo Chefurbo: Yamoussoukro ·Lojanti: 200,103 (2006) Precipua urbo: Abidjan Oficala linguo: Guvernerio: Republiko ·Prezidisto: Laurent Gbagbo ·Chefa ministro: Guillaume Soro Surfaco: (68ma granda) ·Totala: 322,460 km² ·% aquo: 1,4 Lojanti: (141ma granda) ·Totala: 18,373,060 (2008) ·Lojanto-denseso: 42 loj./km² Nacionala himno: L'Abidjanaise Pekunio: Franko CFA Reto-kodo: .ci Precipua religio: Animismo, Kristanismo, Islamo

Ivora Rivo (en Franciana, Côte d'Ivoire) esas lando en marbordo di west-Afrika. Lua vicina landi esas:

• en nordo: Mali e Burkina Faso
• en esto: Ghana
• en westo: Guinea e Liberia.

En sudo jacas oceano Atlantiko.

Bazala fakti pri Ivora Rivo

Historio

Unesma Europani qua arivis en Ivora Rivo esis Portugalani, ye 1460. Li donis la nomo Costa do Marfim a la regiono, qua signifikas "Rivo di Ivoro" o "Ivora Rivo". Francia establisis komercala monopolo kun lokala chefi dum 1840a yari. Franciana stimulis agrokultivo e komerco de kafeo, kakao, banano e la producajo di oleo di palmieri. Ol divenis Franciana kolonio ye 1893.

Ivora Rivo divenis nedependanta de Francia ye 7 di agosto 1960. Félix Houphouët-Boigny esis lua unesma prezidisto.

Ye 2002 komencis interna milito en lando.

Politiko

Ivora Rivo esas parlamentala republiko. La chefo di stato esas la prezidisto, nune Laurent Gbagbo. La chefo di guvernerio esas la chefa ministro, nune Guillaume Soro.

La parlamento havas 1 chambro: Nacionala Asemblajo (Assemblée Nationale), kun 225 membri. Ne havas senato.

Geografio

Mapo di Ivora Rivo.

Ivora Rivo havas diversa peizaji: savano en nordo, tropikala foresto en centro (de esto til westo), monti en nord-esto, e litorala vejetantaro en sudo.

La maxim alta monto esas Monto Nimba, kun 1752 metri di altitudo en la frontiero kun Guinea e Liberia.

Ekonomio

Videz anke: Ekonomio di Ivora Rivo
Pos nedependeso, lando divenis la 3ma granda exportacero di kafeo (depos Brazilia e Kolumbia) e la precipua mondala exportacero di kakao e la precipua Afrikala exportacero di ananaso.

Lando esas centro di komerco di ivoro depos 15ma yarcento.

Demografio

Preske 750 000 personi havas AIDS viruso. Kom rezulto, l'averajala espero di vivo esas nur 49 yari.

Kulturo

Islamo esas la precipua religio di lando, e kristanismo esas la 2ma granda en totalo di praktikanti.

Extera ligili

• Prezidisto di la Republiko di Ivora Rivo oficala pagino, en Franciana
• Afrol News - informajo pri Ivora Rivo, en Hispaniana