Valaam

De Wikipedio
Irez ad: pilotado, serchez
Monakeyo Valaam, Heinävesi

Valaam (en Finlandana linguo: Valamo) esas monakeyo en l’ insulo di Ladoga-lago. Anke l’insulo nomesas Valaam.

Historio di Valaam-monakeyo[redaktar | edit source]

  • Ye la fino di 10ma yarcento la monakeyo fondesas segun sua propra tradicionala savo. Kom fondinto-patri on konsideras Sergey e sua laboron kontinuiginta Herman.
  • 1581: La monakeyo destruktesas unesmafoye. La Sueda-Fina trupo demolisas la klostrala kirko e la briki transportesas til Käkisalmi por esor la konstruktala materialo di la fortreso.
  • 1611: La trupo di la militestro Jacob de la Gardie di la Suedana rejo Karl 9ma demolisas Valaam. L’ insulo esas sen habitanti cirkume cent yari.
  • 1716: Peter 1ma la Granda imperas, ke on mustas konstruktar la monakeyo nove.
  • 1754: Fairego destruktas la monakeyo di Valaam preske totale.
  • de 1781 til 1801: Dum igumeno Nasar komencas spiritituala ed ekonomiala acenso di Valaam.
  • de 1839 til 1881: Dum igumeno Damaskin la monakeyo prosperas.
  • de 1891 til 1903: Dum igumeno Gabriel la monakaro havas plu kam mil monaki.
  • 1892: Nuna chef-kirko kompleteskas.
  • 1917: Finlando divenas nedependanta e Valaam jacas en la teritorio di Finlando.
  • de 1920 til 1930: Dum la lego, qua interdiktas brandio-uzo, la kontrabandisti di brandio uzas l’insulo kom la bazo.
  • 1939: Sovietia atakas Finlando. La monaki fugas aden Finlando, Heinävesi, e fondas Nova Valaam.
  • de 1945 til 1989: En olda Valaam vivas milital invalidi e defektiti. Pluse civilani esas c. 500.
  • 1989: L’unesma kin monaki venas a Valaam. La reparo-laboro komencas.
  • 2004: La monakaro havas 250 monaki, ma parto ek li vivas en l’ acesora monakeyo kontinentala.