Viking 1

De Wikipedio
Irez ad: pilotado, serchez
Unesma kolorizita fotografuro di la surfaco di Marso, prenita da Viking 1 ye 21 di julio 1976

La kosmo-sondilo Viking 1 atingis la surfaco di Marso ye 20 di junio 1976. Ye 20 di agosto 1975 la kosmo-navo, qua konsistis de orbitanto e tervenanto, lansesis de Kabo Canaveral, Usa; ol eniris orbito cirkum Marso ye 19 di junio 1976. Ciencisti selektis apta terveno-loko, per regardado di fotografuri di la surfaco transmisita da la orbitanto. Kande la tervenanto arivis ye la surfaco, ol transmisis kolorizita fotografuri di la cirkumajo; ol registragis temperaturo de -86C til -33C; tamen la sismografo ne funcionis. Brakio kolektis specimeno de la sulo, qua esis analizata; organika kompozuri ne esis trovata. La tervenanto duris transmisar informeso til 1 di februaro 1983. Lo esis la unesma sucesoza projeto en qua sondilo tervenis sur Marso; la plu frua Mars 3, di USSR en 1971, cesis funcionar 20 sekundi pos ke ol atingis la surfaco.