0 (yaro)

Che Gregoriala kalendario ne existas zeresma yaro. La 1ma yaro aK preiras direte la 1ma yaro pK. La ne-existo di zeresma yaro esas por nuna homo kelke stranja.

La kauzo dil stranjeso esas pro ke Gregoriala kalendario developesis de Juliala kalendario, e la nombro 0 ne konocesis en Europa kande on komencis uzar ta kalendarii.

Che astronomial yar-nombrizado, la 0ma yaro equivalas la 1ma yaro aK de Gregoriala kalendario.

Tamen existas yar-nombrizado qua komencas de zeresma yaro. Dum la regno di Reda Kmer en Kambodja, la yaro 1975, en qua ta grupo asumis la povo en la lando, nomizesis kom zeresma yaro, signifikanta komenco di nova epoko. Ank existas 0ma yaro en la maxim multa Buddhista e Hindua kalendarii.