Alando

Alando Landskapet Åland (Sueda) Ahvenanmaa (Finlandana) Autonoma regiono di Finlando Peizajo di Alando. Chefurbo Mariehamn Maxim granda urbo Mariehamn Surfaco 1 582,93 km² Habitanti Denseso di habitantaro 30 144 (2021) 19,04 hab./km² Guberniestro Marine Holm-Johansson Fondita o kreita 7ma di mayo 1920 Horala zono UTC+2 (UTC+3 dum somero) TNP (yaro) € 1,1 miliardo (2020) Reto https://www.aland.ax/

Alando (Finlandane: Ahvenanmaa; Suediane: Åland) esas autonoma e desmilitarigita regiono di Finlando, qua konsistas ek arkipelago kun granda insulo (Fasta Åland, ube 90% de la habitanti rezidas) pluse 6.500 mikra insuli. Segun statistiki por 2021, ol havis 30 144 habitanti. Lua tota surfaco esas 1 582,93 km².

Historio

Dum tale nomizita "glacial epoko Weichseliana", cirkume 18 mil yari ante nun, Alando e la tota Skandinavia kovresis da dika glacio-strato, qua pose dissolvesis ed expozis l'insuli cirkume 9 mil yari aK. Cirkume 8 mil yari aK, la maxim alta monti de lor submersita arkipelago emersis del oceano.

Populo de tale nomizita "kulturo di pektita ceramiko" komencis koloniigar Alando cirkume 7 mil yari ante nun. Dum petr-epoko e bronz-epoko, lokala habitanti transvivis de chasado di marohundi ed uceli, pesko e kolekto di planti. Edukado di bestii anke komencis dum ta epoko. De fer-epoko existas restaji di 6 fuorti en Alando, e de Vikinga epoko existas plua kam 380 sepulteyi.