Alexander Dubček
| Alexander Dubček | ||
 | ||
| Generala sekretario di Komunista Partiso di  Chekoslovakia | ||
| Guvernisteso: | de 5 di januaro 1968 til 17 di aprilo 1969 | |
| Precedanto: | Antonín Novotný | |
| Sucedanto: | Gustáv Husák | |
| Personal informi | ||
| Naskodato: | 27 di novembro 1921 | |
| Naskoloko: | Uhrovec, Chekoslovakia | |
| Mortodato: | 7 di novembro 1992 | |
| Mortoloko: | Praha, Chekoslovakia | |
| Profesiono: | Politikisto | |
| Politikala partiso: | Komunista Partiso di Chekoslovakia | |
Alexander Dubček, politikisto 1921-1992 esis Generala Sekretario di Komunista Partiso di Chekoslovakia (equivalanta a prezidanto di lando) de 5 di januaro 1968 til 17 di aprilo 1969.
Il esis Unesma Sekretario di la Komunista Partiso di Chekoslovakia depos januaro 1968; ilua esforci por reformar la lando, donante plusa yuri a civitani, esis ne bone recevita da la Soviet-Uniono. En julio eventis ne-sucesoza negociadi inter Chekoslovakia e la Soviet-Uniono. Ye 21 di agosto 1968, armei de kin landi di la Pakto di Warszawa − 250000 soldati e 2000 tanki − eniris Chekoslovakia. Dubček avizis ne-rezisto. 137 civitani mortis; Dubček, kun plura kolegi, arestesis e duktesis a Moskva; il darfis retrovenar ye 27 agosto.
Pos la "velura revoluciono" di 1989, il elektesis kom prezidanto di la federala asembluro di Chekoslovakia, e ri-elektesis en 1990 e 1992. Il mortis ye 7 di novembro 1992, plura semani pos grava automobil-acidento.
Interhelpo
[redaktar | redaktar fonto]La patro (Stefan Dubček) di Alexander Dubček implikesis en Interhelpo, la help-organizuro qua sucesis konstruktar fabrikerii ed edifici en Kirgizia[1][2]. Alexander Dubček evis quar kande il iris kun sua familio a Kirgizia, e vivis en la kolektivo di Interhelpo. [3].