Alta reprezentanto por la komuna, extera e sekuresa politiko di Europana Uniono

De Wikipedio
Irez ad: pilotado, serchez

L'Alta reprezentanto por la komuna extera e sekuresa politiko de l'Europana Uniono - Angle High Representative of the EU for Foreign Affairs and Security Policy, France Haut représentant de l'Union pour les affaires étrangères et la politique de sécurité, Germaniane Hoher Vertreter der EU für Außen- und Sicherheitspolitik - esas ofico kadre dil Komuna politiko pri Exteral Aferi e Sekureso (KESP) di Europana Uniono (EU). L'ofico esas signo pri la volo di l'EU-membrostati, a l'extero havar e montrar unesma politika pozicio en tomi en monda politiko.

L'alta reprezentanto kune la prezidanto di l'Europana Konsilantaro e la prezidanto di l'Europana Komisitaro reprezentas l'Uniono exterlande. Ilu samatempe esas la generala sekretario di l'Europana Konsilantaro. A la poziciono di l'alta reprezentanto subordigita esas strategia plana esquado e frue averta materio, armea grupo e komuna krizocentro di l'Uniono. Anke la "generala administrado pri extera rilati" (RELEX) di l'Europana Komisitaro kun l'EU-delegacioni en stati exter l'Europana Uniono kunlaboras kun l'alta reprezentanto. De 18 di oktobro 1999 la politikisto Javier Solana plenumas la posteno.

Segun la traktato di Lisboa, qua nune esas en proceso de ratifikigo, la posteno di l'alta reprezentanto estu kunigita kun ta di "komisaro pri extera rilati ed europa vecina politiko". L'alta reprezentanto lore respondecus pri la tota extera politiko di l'Europana Uniono inkluzite di l'europa vecina politiko e samatempe esus viceprezidanto di l'Europana Komisitaro e prezidanto dil itere kreita "Konsilantaro pri exteral aferi" di EU.

Videz anke[redaktar | edit source]