Ambiental efekti dil energiala produktado

Procento di polutanta substanci jetata alatmosfero da termoelektrala energiferii.

L'ambiental efekti dil energiala produktado esas diversa. Dum yarmili, homi profitabas de diversa energiala fonti. Adminime 1,9 milion yari ante nun, homi komencis uzar fairo por obtenar lumo, kaloro, koquar nutrivi e/o por protektar su de ataki da animali.^[1] Dum recenta yari, augmentis la sucio pri obtenar energio de rinovigebla fonti.

Existas generala konsento ke la kauzo di globala varmesko e klimatala modifikuri dum recenta yari esas l'augmento di emisi di karbobioxo per uzo di fosila fueli, samatempe kam la destrukto di foresti e mala praktikado di agrokultivo. En 2013 publikigesis studiuro qua montris ke 2/3 ek omna produktado di karbobioxo ed altra gasi qui produktas tale-nomizita "teplico-efekto" dum la periodo 1751-2010, facesis da 90 granda entraprezi en tota mondo, di qui la duimo produktesis pos 1986.^[2]

En la maxim multa loki di la mondo, poka agadi facesas por lentigar globala varmesko. Ultre to, kelka grupi duras negar l'existo di klimatala modifikuri. En 2007, publikigesis raporto Angle-titulizita Climate Change 2007: Climate Change Impacts, Adaptation and Vulnerability, qua pre-anuncis ke l'indijo di aquo e nutrivi afektos la vivo di miliardi de individui, nome la maxim povra.

Referi

↑ Autoro: D. M. J. S. Bowman, J. K Balch, P. Artaxo, W.J. Bond, J.M. Carlson, M.A. Cochrane, C.M. d'Antonio, R.S. Defries, J.C. Doyle, S.P. Harrison, F.H. Johnston, J.E. Keeley, M.A. Krawchuk, C.A. Kull, J.B. Marston, M.A. Moritz, I.C. Prentice, C.I. Roos, A.C. Scott, T.W. Swetnam, G.R. Van Der Werf,S.J. Pyne. Fire in the Earth System. Publikigita da Science. Dato di publikigo: 2009. Pagino/pagini: 481–4.
↑ Richard Heede, "Tracing anthropogenic carbon dioxide and methane emissions to fossil fuel and cement producers, 1854–2010", Climatic Change, januaro 2014, volumo 122, 1ma ediciono, pagini 229–241. (Angla linguo)

[1] Autoro: D. M. J. S. Bowman, J. K Balch, P. Artaxo, W.J. Bond, J.M. Carlson, M.A. Cochrane, C.M. d'Antonio, R.S. Defries, J.C. Doyle, S.P. Harrison, F.H. Johnston, J.E. Keeley, M.A. Krawchuk, C.A. Kull, J.B. Marston, M.A. Moritz, I.C. Prentice, C.I. Roos, A.C. Scott, T.W. Swetnam, G.R. Van Der Werf,S.J. Pyne. Fire in the Earth System. Publikigita da Science. Dato di publikigo: 2009. Pagino/pagini: 481–4.

[2] Richard Heede, "Tracing anthropogenic carbon dioxide and methane emissions to fossil fuel and cement producers, 1854–2010", Climatic Change, januaro 2014, volumo 122, 1ma ediciono, pagini 229–241. (Angla linguo)

[1]

[2]